जिल्लाका किसानहरुलाई दाते ओखरका बिरुवा वितरण गरिएको छ । डिभिजन वन कार्यालय प्यूठानको आर्थिक सहयोग तथा स्थानीय तहहरुको समन्वयमा टर्कीबाट ल्याइएका बिरुवा वितरण गरिएको हो । हिँउदे बाली अन्तर्गत पर्ने चेन्डलर प्रजातिका दाते ओखरका कलमी बिरुवाहरु वितरण गरिएको डिभिजन वन कार्यालय प्यूठानका रेन्जर हरी पौडेलले जानकारी दिए ।

जिल्लाको नौबहिनी गाउँपालिका १ स्याउलीवाङमा ९सय, गौमुखीको रजवारामा ५सय, मल्लरानी गाउँपालिकाको वडा नं.१ र ४ मा ६सय, प्यूठान नगरपालिका, माण्डवी गाउँपालिका र अन्य स्थानमा १/१ सय विरुवा वितरण गरिएको डिभिजन बन कार्यालयले जनाएको छ । कार्यालयका अनुसार प्रति बिरुवा ६सय१२ रुपैयाका दरले खरिद गरी २हजार ३सय ५० वटा बिरुवा टर्कीबाट ल्याइएको थियो ।

व्यावसायिक रुपमा दाते ओखर खेती गर्न इच्छुक किसानहरुलाई ५०/५० वटाका दरले बिरुवा विरतण गरिएको हो । जिल्लाको स्याउलीवाङ, रजवारा, मल्लरानी १ र २ लाई दाते ओखर पकेट क्षेत्र विस्तार गरिएको छ । डिभिजन बन कार्यालय प्यूठानको २०७९/८० को स्वीकृत वार्षिक उच्च पहाडी क्षेत्रमा ओखर बिकास कार्यक्रम अन्तर्गत बिरुवा खरिद गरी किसानहरुलाई वितरण गरिएको रेन्जर पौडेलले बताए ।