प्युठान नगरपालिका ४ बिजुवार गाजुरी घर भएका राजकुमार नेपालीको दुबै मृगौलाले काम गर्न छाडे पछि अहिले उपचारमा समस्या भएको छ ।२०७९ पौष महिनादेखि स्वास्थ्यमा समस्या आएपछि जाँच गराउँदा मृगौलामा समस्या देखिएको थियो । अहिले उनको दाङमा उपचार भईरहेको उनका बुबा नबिन नेपालीले बताए।

२७ बर्षिय राजकुमार परिवारका जेठो छोरा हुन । उनका बुवा नबिन नेपालीले बिजुवारमा साइकल मर्मतसम्बन्धी व्यबसाय गर्छन । भारतको दिल्ली स्थित एक अस्पतालमा अवको केहि महिनामै राजकुमारको मृगौला प्रत्यारोपण गर्ने भनिएपनि आर्थिक अभावका कारण उनको उपचारमा समस्या भएको छ । मृगौला प्रत्यारोपणको लागि १० देखि १२ लाखसम्म खर्च लाग्ने अस्पतालले अनुमान गरेको भन्दै उनको परिवारले आर्थिक सहयोगको आव्हान गरेका छन् ।

राजकुमारको एक छोरा र एक छोरी छन् । कमाउने ब्यक्ति नै बिस्तारामा थलिएपछि परिवार चिन्तित बनेका छन् । हालसम्म उपचार गर्दा लाखौं रकम सकिसकेको र थप उपचारका लागि आर्थिक समस्या भएकाले सबैले सक्दो सहयोग गर्न परिवारले अनुरोध समेत गरेका छन् ।