![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/09/Untitled-1-copy-15-768x400.jpg)
गयराती परेको अविरल बर्षाका कारण नौबहिनी गाउँपालिकामा पहिरोले ३ घर बगाएको छ । नौबहिनी गाउँपालिका ७ का विभिन्न स्थानमा पहिरोले घर बगाएको हो ।
पात्चौरका स्थानीय अमृत रोका क्षेत्री, सुर्दिपका कुमार बुढाथोकीको घर बगाएको हो भने कबिराम बुढाथोकीको घर उच्च जोखिममा रहेकाले सुरक्षित स्थानमा सारिएको वडाध्यक्ष रोम प्रसाद बुढाथोकीले जानकारी दिए ।
अध्यक्ष बुढाथोकीका अनुसार गमिजाका रुकमान खड्काको गोठ बगाउँदा ४ बाख्रा, कुखुरा बगाएको छ भने गाई,गोरु भैसीलाई उद्दार गरिएको छ । त्यस्तै मैरामारेका स्थानीय दिल बहादुर राना मगरको एउटा भैंसी पहिरोमा पुरिएको र गोगनपानीमा हिरा बहादुर बिटालुको थारो बगाएको हो ।
पहिरोका कारण बाटो अबरुद्ध हुँदा आवतजावतमा कठिनाई भएको छ भने विद्युत सेवा पनि अबरुद्ध भएको अध्यक्ष बुढाथोकीले जानकारी दिए । उनका अनुसार अहिले जनप्रतिनिधि सहित, सुरक्षाकर्मी र स्थानीयले उद्दार गरिरहेका छन्। क्षतिको एकिन विवरण आउन बाकी रहेको छ ।
फोटो: केशब पुन मगर
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)