![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/09/20230926_170121-711x400.jpg)
नौबहिनीको प्रशासकीय भवन निर्माण सम्पन्न प्यूठानको नौबहिनी गाउँपालिकाको प्रशासकीय भवन निर्माण सम्पन्न भएको छ । भवन निर्माण सम्पन्न भएपछि पालिकाले भवन उद्घाटन यहि असोज १६ गते गर्ने तयारी थालेको छ ।
नौबहिनीको प्रशासकीय भवन निर्माण सम्पन्न प्यूठानको नौबहिनी गाउँपालिकाको प्रशासकीय भवन निर्माण सम्पन्न भएको छ । भवन निर्माण सम्पन्न भएपछि पालिकाले भवन उद्घाटन यहि असोज १६ गते गर्ने तयारी थालेको छ ।
भवन उद्घाटन नेकपा एमालेका अध्यक्ष तथा नेपाल सरकारका पूर्व प्रधानमन्त्री केपी शर्मा ओलीबाट गर्ने तयारी थालेको गाउँपालिकाले जनाएको छ ।
आईतबार बसेको कार्यपालिका बैठकले उक्त निर्णय गरेको पालिका अध्यक्ष दिल बहादुर थापाले जानकारी दिए । २०७८ साल असार ११ मा निर्माण कार्य सुरु गरिएको भवन निर्माण सम्पन्न भएको प्रमुख प्रशासकीय अधिकृत शिवराज पौडेलले जानकारी दिए । ८ करोड ३४ लाख ८८ हजार ७ सय १९ रुपैयाँ लागत अनुमान गरिएको भवन ६ करोड १३ लाख ६० हजार ७ सय ३६ रुपैयाँ ९ पैसामा ठेक्का सम्झौता भएको थियो । रविना/आँशु /मल्लरानी जेभीले २०७९ मंसिर १५ मा सम्पन्न गर्ने गरी निर्माणको ठेक्का लिएको थियो ।
नौबहिनी गाउँपालिकाले हाल भाडाको भवनबाट कार्यालय सञ्चालन गर्दै आएको छ । भवन निर्माण भएपछि कार्यसम्पादनमा सुधार हुने आशा स्थानीयले गरेका छन् । लुम्बिनी प्रदेश अन्तर्गत साविकका गा।वि।स। स्याउलीवाङ, खवाङ, लिघा, लुङ, डाम्री र फोप्ली मिलेर नौबहिनी गाउँपालिका बनेको छ । पालिकाको प्रमुख प्रशासकीय केन्द्रको सुन्दर र आर्कषक भवन निर्माणसँगै पालिकाबासीले सर्वसुलभ, छिटोछरितो सेवा पाउने आशा गरेका छन् । भाडाको भवनबाट कार्यालय सञ्चालन गर्दै आएको पालिकाले अबदेखि आफ्नो नियमित कामहरु आफ्नै भवनबाट सञ्चालन गर्नेछ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)