२०८० असोज २०प्यूठानका प्रतिनिधि सभा सदस्य सूर्य बहादुर थापाले स्वास्थ्य बिमा आम जनताको पहुँचमा पुर्याउन स्थानीय तहको भुमिका महत्वपूर्ण रहेको बताएका छन् । शनिबार प्यूठानको नयाँ बजारमा आयोजित बिमामा जनताको पहुँच अभिबृद्धि गर्न स्थानीय तहको भूमिका बिषयमा छलफल तथा अन्तरक्रिया कार्यक्रममा उनले यस्तो बताएका हुन् ।
थापाले संविधानले प्रत्याभूति गरेको नागरिकको स्वास्थ्यको अधिकारलाई सर्बसुलभ गराउने माध्यम स्वास्थ्य बिमा भएको भन्दै जनताको नजिकको सरकार स्थानीय सरकारले स्वास्थ्य बिमाको संख्या बढाउन जोड दिनुपर्ने बताए ।
कार्यक्रमा स्वास्थ्य बीमा बोर्डका कार्यकारी निर्देशक डा. दामोदर बसौलाले स्वास्थ्य बीमाको परिचय, स्वास्थ्य बीमा कार्यक्रमको उद्देश्य, स्वास्थ्य बीमा र अन्य बीमा बिच फरक बारे जानकारी गराएका थिए । प्यूठानमा स्वास्थ्य बीमा गर्नेको संख्या निकै कम रहेको तथ्यांक उल्लेख गदै बसौलाले बिमा गर्ने संख्या बढाउन सरोकावाला निकाय संक्रिय हुनुपर्ने कुरामा जोड दिए ।
स्वास्थ्य बीमा बोर्डका सदस्य चन्द्र बहादुर थापाको अध्यक्षतामा भएको कार्यक्रममा प्रमुख अतिथि प्रतिनिधि सभा सदस्य सूर्य बहादुर थापा, विशेष अतिथिमा लुम्बिनी प्रदेश सांसद तुल्सीराम शर्मा, निमा गिरी, जिल्ला समन्वय समितिका प्रमुख तथा उपप्रखु, जिल्लाका ९ वटै स्थानीय तहका प्रमुख,उपप्रमुख, वडाध्यक्ष, सदस्यहरु, विभिन्न संघसंस्था तथा कार्यालयका प्रमुख तथा प्रतिनिधि, पत्रकारको सहभागिता थियो ।
