सामुदायिक स्वास्थ्य ईकाइ दर्भानको शुक्रबार उद्घाटन गरिएको छ । विगत लामो समय देखि खोप केन्द्रको रुपमा रहेको कार्यालय आजदेखि स्वास्थ्य इकाईको रुपमा स्थापना गरिएको सरूमारानी गाउपालिकाका प्रवक्ता चिन्ता सोमै मगरले जानकारी दिए ।

उक्त सामुदायिक स्वास्थ्य इकाईमा १ जना अहेव र १ जना कार्यालय सहयोगी राखिएको छ । सो संस्थाबाट नेपाल सरकारद्धारा उपलब्ध गराईएको ७० किसिमका औषधी निशुल्क, गर्भवती चेकजाँच र स्वास्थ्य संस्थाबाट दिईने सामान्य स्वास्थ्य सेवा लगायतका सेवा पाउन सकिने उनले बताए। सरूमारानी गाउपालिका २ नं।वडाका मैदान, बर्नविर, भुल्के, भमपली, रत्ने, मसुरे, ढाड, दर्भान लगायतका स्थानीयले सेवा पाउने गाउँपालिका प्रवक्ता सोमै मगरले जानकारी दिए । उनका अनुसार विगतमा त्यस ठाउँका स्थानीय बासी बाङ्गेशाल, दधेरी जानुपर्ने बाध्यता थियो भने अवदेखि सामान्य उपचारको लागि दर्भान मै सेवा पाउने छन् ।

सरुमारानी गाउँपालिका २ का वडाध्यक्ष भानुभक्त भुसालको अध्यक्षतामा भएको उद्घाटन कार्यक्रममा सरूमारानी गाउँपालिका अध्यक्ष झग बहादुर विश्वकर्मा प्रमुख आतिथि, उपाध्यक्ष बसन्ता खड्का विशिष्ट आतिथि, प्रबक्ता तथा ४ नं वडा अध्यक्ष चिन्त सोमै, २ नं।वडाका सदस्यहरू, खडगेश्वरी माविका विद्यालय व्यवस्थापन समिति अध्यक्ष मोहन पन्थी, प्रधानाध्यापक सुन्दर भण्डारी, गाउँपालिका स्वास्थ्य शाखा प्रमुख टेकेन्द्र रायमाझीको, कर्मचारीहरू, महिला स्वास्थ्य स्वयमसेविका, स्थानीय नागरिकहरूको सहभागिता रहेको थियो ।