लायन्स क्लब अफ भित्रिकोट प्यूठानले जिल्ला अस्पताल प्यूठानलाई प्रयोगशाला उपकरण हस्तान्तरण गरेको छ । शनिबार विहान अस्पतालको प्राङ्गणमा एक कार्यक्रमका बीच उपकरण हस्तान्तरण गरेको हो ।

उपकरण हस्तान्तरण कार्यक्रममा प्रमुख अतिथि प्यूठानका संघिय सांसद सूर्य थापा थिए । हस्तान्तरण कार्यक्रममा बोल्दै प्रतिनिधि सभा सदस्य सूर्य थापाले अस्पतालमा प्राप्त भएको उपकरणले सेवा प्रवाहमा थप सहयोग पुगेको बताए । थापाले उपकरण, दक्षजनशक्ति हुने तर आवश्यक परेको समयमा बिरामीले सेवा नपाउने स्थिति आउन नदिन अस्पताल प्रशासन, अस्पताल विकास समितिलाई निर्देशन दिएका छन् । साथै जिल्ला अस्पतालमा विद्युत प्रयाप्त मात्रामा नहुँदा अस्पतालले ठूलो रकम खर्च गरिरहेको बताउँदै यसको लागि विद्युत प्राधिकरण सँग आफु छलफल गरिरहेको जानकारी गराए । अस्पताल जस्तो संवेदनशील संस्थामा स्थानीय तहले समन्वय गर्न जरुरी रहेको उनको भनाई छ । सांसद थापाले यसै कार्यक्रमको अवसर पारी अन्य मेसिनहरुको समेत अवलोकन गरेका थिए ।

लायन्स क्लब अफ भित्रिकोट प्यूठानका अध्यक्ष खिम प्रसाद पार्धेको अध्यक्षतामा कार्यक्रम भएको हो । कार्यक्रममा अस्पताल विकास समिति अध्यक्ष, स्वास्थ्यकर्मीहरु, राजनीतिक दलका प्रतिनिधि, वडाध्यक्ष, लायन्स क्लबका सदस्यहरु लगायतको सहभागिता थियो । कार्यक्रमको सहजिकरण लायन्स क्लब अफ भित्रिकोटका सचिव राम प्रसाद पोख्रेलले गरेका थिए ।