ओठ तथा तालु फाटेकाहरुको लागि निःशुल्क स्वास्थ्य शिबिर सम्पन्न भएको छ । बि एण्ड बि अस्पतालको आयोजना, राष्ट्रिय अपाङ्ग सेवा संघ प्यूठानको सह–आयोजना तथा सामाजिक विकास डिभिजन कार्यालय प्यूठानको समन्वयमा शिबिर सञ्चालन भएको हो ।

छुट्टाछुट्टै ठाउँमा भएको ३ दिने निःशुल्क शिबिर चैत १६ गते माण्डवी गाउँपालिकाको देविस्थान, १७ गते जिल्ला अस्पताल बिजुवार र १८ गते आईतबार मल्लरानी गाउँपालिकाको धरमपानी स्वास्थ्य चौकी चुँजाठाँटीमा भएको थियो । शिबिरबाट १६ जनाले सेवा लिएका छन् । उपचारमा आएका मध्य ७ जनालाई शल्यक्रियाका लागि काठ्माण्डौं रिफरको लागि सिफारिस गरिएको राष्ट्रिय अपांग महासंघ लुम्बिनी प्रदेशका सचिवालय सदस्य जुमानसिंह के.सीले जानकारी दिए । उनका अनुसार शल्यक्रियाका लागि विरामी तथा एक जना कुरुवालाई आउने जाने भाडा र बस्ने खाने समेत निःशुल्क व्यवस्था गरिएको छ ।

साथै राष्ट्रिय अपांग सेवा संघ प्यूठानले समय समयमा निःशुल्क शिविर सञ्चालन गर्दै आएको छ ।