ऐरावती गाउँपालिकामा भएको आँखा शिविरबाट २ सय ४१ जनाले सेवा लिएका छन् । शनिबार भएको शिविरमा १ सय ३४ महिला र १ सय ७ पुरुष गरि २ सय ४१ जनाले सेवा लिएको नेपाल नेत्रज्योती संघ प्रस्तावित नरेन्द्र गायत्री आँखा अस्पताल बिजुवारकी प्रमुख लक्ष्मी मल्ल ठकुरीले जानकारी दिईन् । उनका अनुसार सेवा लिएका मध्य ७४ जनालाई निःशुल्क चस्मा वितरण, १५ जनालाई मोतियाविन्दुको लागि शल्यक्रिया गर्न आँखा अस्पताल बोलाईएको र बाकीलाई औषधी वितरण गरिएको छ ।

पुरन्ठाटी स्वास्थ्य चौकी बरौलामा भएको शिविरमा ४० बर्षमाथीका नागरिकले सेवा लिएका हुन् । नेपाल नेत्रज्योती संघ प्रस्तावित नरेन्द्र गायत्री आँखा अस्पताल बिजुवारको आयोजना तथा ऐरावती गाउँपालिकाको सहयोगमा निःशुल्क आँखा शिविर सञ्चालन गरिएको थियो । त्यस्तै आँखा अस्पताल बिजुवारमा पनि चैत २९ गते शिविर सञ्चालन हुने अस्पतालले जनाएको छ ।