![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2024/05/441333029_1740576393446415_7071582915438025833_n-533x400.jpg)
प्युठान नगरपालिका ८ बाग्दुला बजारवाट १५ किलो भन्दा बढी अखाद्य मासु बरामद गरिएको छ । शुक्रबार बजार अनुगमनका क्रममा बाग्दुलामा मासु व्यवसाय गर्दै आएका २ जना व्यापारीबाट १५ किलो ९३ ग्राम अखाद्य मासु बरामद गरिएको हो ।
उक्त मासु खान योग्य नहुने भन्दै प्रहरी, प्रशासन, पत्रकार र सरोकार वालाहरुको रोहवरमा खाडलमा पुरिएको छ ।
एकिकृत कृषि तथा पशुपंक्षी विकास कार्यालय प्यूठान, जिल्ला प्रशासन कार्यालय प्यूठान, उद्योग बाणिज्य संघ प्यूठान, घरेलु तथा साना उद्योग कार्यालया प्यूठान , जिल्ला प्रहरी कार्यालय, पत्रकार सहितको टोलिले बिजुवार र बाग्दुलाका १० वटा मासु पसल र ४ वटा दुग्ध डेरीमा अनुगमन गरिएको थियो ।
अनुगमनका क्रममा पसलहरुको दर्ता तथा नविकरण, दररेट कायम, पसलको वोर्ड सेवा ग्राहीले देखिने गरी राख्न, पसल सरसफाई लगायतका विषयमा व्यापारीलाई सचेत गराईएको एकिकृत कृषि तथा पशुपंक्षी विकास कार्यालय प्यूठानका भेटेनरी निरिक्षक डाक्टर गणेश बहादुर पुनले बताए । उनका अनुसार जिल्लाका अन्य पसलहरुमा असार महिना भित्रै अनुगमन गरिने पुनले वताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)