२०८१ असोज १७नेकपा एमाले निकट अनेरास्ववियु प्यूठान नगर कमिटीको प्रथम नगर सम्मेलन बिजुवारमा सम्पन्न भएको छ । सम्मेलनले दिपक पुनको अध्यक्षतामा ५१ सदस्यीय नगर कमिटी चयन गरेको छ ।
अनेरास्ववियु प्यूठानका अध्यक्ष टेकराज के.सिको अध्यक्षतामा भएको कार्यक्रमको प्रमुख अतिथि नेकपा एमाले जिल्ला कमिटी अध्यक्ष विजय बिराज विष्ट रहेका थिए ।
कार्यक्रमका प्रमुख अतिथि विष्टले आवाज विहीनको आवाज बाहिर ल्याउन अनेरास्ववियुको महत्त्वपूर्ण भूमिका रहने बताए । एमाले पार्टीको बलियो खम्बाको रूपमा अनेरास्ववियु सङ्गठन भएकाले सोही अनुसार राम्रो कामको प्रशंसा तथा नराम्रो कामको विरोध र खबरदारीमा उत्रिन आग्रह गरेका छन् ।
कार्यक्रममा नेकपा एमाले लुम्बिनी प्रदेश कमिटी सदस्य लक्ष्मी प्रकाश राज भण्डारी, प्यूठान जिल्ला कमिटी उपसचिव इश्वरा आचार्य, प्यूठान नगर कमिटी अध्यक्ष गिरु प्रसाद भण्डारी, अनेरास्ववियुका पूर्व अध्यक्षहरू लगायतले मन्तव्य राखेका थिए ।
अनेरास्ववियु प्यूठानका सचिव प्रेम पुन मगरले सञ्चालन गरेको कार्यक्रममा प्यूठान नगरपालिका भित्र रहेका १२ वटा माध्यमिक तहका विद्यार्थी प्रतिनिधीहरूको सहभागिता रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
