नेकपा(माओवादी केन्द्र) निकट विद्यार्थी संगठन अखिल (क्रान्तिकारी)ले उमेर हद लगाउने कि नलगाउने भन्ने विषयमा देशभर मतदान गरेको छ ।

अखिल क्रान्तिकारीको नेतृत्वमा ३२ वर्षे उमेर हद तोक्ने कि नतोक्ने भन्ने विषयमा निर्वाचनबाट छिनोफानो गर्न लागेको हो ।

प्यूठानमा १४ मतदाता मध्य  १३ जनाले मतदान गरेका छन् । प्यूठानबाट शत प्रतिशत मतदाताले उमेर हद नलगाउने पक्षमा मतदान गरेको मुख्य निर्वाचन अधिकृत शिव पण्डितले जानकारी दिए । संगठनको इतिहासमा पहिलोपटक विधानको विषयमा मतदान भएको हो ।

अखिलको इतिहासमा विधानका सन्दर्भमा चुनाव हुनु अखिल क्रान्तिकारीको दुरगामी महत्व रहेको अखिल क्रान्तिकारी प्यूठानका निवर्तमान अध्यक्ष प्रेम बहादुर बिश्वकर्माले बताए । जनवाद प्रयोग गरेर संगठनले प्रदान गरेको यो ऐतिहासिक अवसरको सहि सदुपयोग गर्न पाएकोमा उनले खुशी ब्यक्त गरे ।

उमेर हदको टुंगो लागिसकेपछि यही १७ गते नेतृत्व चयनका लागि भूगोल र गैर भूगोलगरी ९ प्रदेशस्तरमा मतदान हुनेछ ।असोज १०-१५ सम्म भएको सम्मेलनमा उमेर हदको विवादले उग्र रुप लिएपछि स्थगित भएको थियो ।