नेकपा माओवादीको केन्द्रीय सदस्य पित बहादुर एमसिले योङ कम्युनिस्ट लिग (वाईसिएल) को २ महिने अभियानको उद्घाटन गरेका छन् ।

वाईसिएल नेपाल जिल्ला समिति प्यूठानको श्रम तथा उत्पादन २ महिने अभियानको उद्घाटन गर्दै युवाहरूको सचेत पहलमा परिवर्तन सम्भव भएको बताए ।

अभियानको उद्घाटन सँगै झिमरुक गाउँपालिका २ गडेरपानिमा रहेको सर्वोदय माध्यमिक विद्यालयमा मर्मत तथा सर सफाइको कार्य गरिएको थियो ।

अभियान अन्तरगत जिल्लाका सबै स्थानीय तहमा आवश्यकताका आधारमा सृजनशील कार्यक्रम गरिने वाईसिएल जिल्ला अध्यक्ष सुरेश विश्वकर्माले जानकारी दिए ।