प्यूठान, ऐरावति गाउँपालिका वडा नं १ दाङबाङ अमिलिमा कार्यरत अनमी मनिषा के.सीले राहत कोषमा सहयोग जम्मा गर्नुभएको छ।
वडा कार्यालयलले स्थापना गरेको राहत तथा आपुर्ति ब्यवस्थापन समितिमा १२ हजार बरावरको खाद्यान्य सामग्री सोमबार हस्तान्तरण गर्नुभएको हो। उहाँले चामल १८० के.जी, १८ के.जी नुन, ९ लिटर तेल, १८ पिस साबुन हस्तान्तरण गर्नुभएको हो। बन्दाबन्दीको बेला वडामा रहेका अति विपन्न परिवारका लागि खाद्यान्य अभाव नहोस भन्ने उदेश्यले आफुले सहयोग गरेको अनमी मनिषा के.सीले बताउनुभयो।
अनमी के.सीकै पहलमा बर्दियामा कार्यरत अनमी लिला गिरीले राहत कोषमा १० हजार रकम जम्मा गर्ने वताउनुभएको छ। बर्दियाबाट समेत वडाका विपन्न परिवारका लागि सहयोग आएकोमा आफुहरु खुसी भएको भन्दै वडा अध्यक्ष द्रोण प्रसाद पाण्डेले अनमी के.सीलाई पहलका लागि धन्यबाद दिनुभयो। उहाँले प्राप्त सहयोगलाई अति विपन्न परिवारलाई प्रदान गर्ने समेत बताउनुभयो।