निरन्तरको वर्षाले नेपालगञ्ज डुवानमा परेकोछ। रातिदेखिको अविरल वर्षााका कारण विभिन्न स्थानमा वाढी आएको छ। बाढीले नेपालगञ्‍जको न्यूरोडस्थित सेतु विक चोक र घरवासी टोल क्षेत्र डुबानमा परेका छन्। नेपालगन्जमा बाटो र नालाको काम जारी रहेकै बेला पानी निकास हुन नपाएर डुबान भएको स्थानियले वताएका छन्।
यस्तै,
बाँकेको वैजनाथ गाउँपालिका वर्डा नं ३ मा जेठीनालाको बाढीले बगाएर एकजना बेपत्ता भएका छन्। आइतबार रातिदेखि परेको अविरल वर्षाले खोलामा बाढी आएपछि तर्ने क्रममा अन्दाजी ७० वर्षका तुलबहादुर बुढा बेपत्ता भएको जिल्ला प्रहरी कार्यालय बाँकेले जनाएको छ।बाँके प्रहरी प्रमुख टेकबहादुर तामाङले बेपत्ता व्यक्तिको खोजी भइरहेको बताएका छन्।