सरकारले स्थानीय तहको निर्वाचन ३० वैशाखमा गर्ने निर्णय गरेसँगै मतदाता नामावली संकलन तथा अद्यावधिक कार्य स्थगित भएको छ । मन्त्रिपरिषद्को सोमबार बसेको बैठकले स्थानीय निर्वाचनको मिति तय गरेको हो ।

सरकारले निर्वाचनको मिति तय गरेसंगै मतदाता नामावली ऐन २०७३ को दफा ४ को उपदफा २ मा भएको प्रावधान समेतका आधारमा नामावली संकलन कार्य स्थगित गरीएको जिल्ला निर्वाचन कार्यालय प्यूठानले जनाएको छ ।

प्यूठान जिल्लामा जिल्ला निर्वाचन कार्यालय, जिल्ला प्रशासन कार्यालय र ईलाका प्रशासन कार्यालयबाट मतदाता नामावली संकलन कार्य हुँदै आएको थियो ।

निर्वाचन कार्यालयका अनुसार २०७८ माघ २५ गतेदेखि मतदाता नामावली संकलन तथा अद्यावधिक कार्य अर्को व्यवस्था नभएसम्मका लागि स्थगित गरिएको छ ।