बिश्व वातावरण दिवसको अवसर पारेर प्यूठानमा वृक्षरोपण गरिएको छ । डिभिजन वन कार्यालय प्यूठानको आयोजनामा प्यूठान नगरपालिका ४ गाजुरी सहिद स्मृति पार्क परिसरमा वृक्षरोपण गरिएको हो ।

पृथ्बीको संरक्षण दिगो प्रकृति मैत्री ब्यबस्थापन भन्ने मुल नाराका साथ बिश्व वातावरण दिबस सम्पन्न भएको छ ।
प्रमुख जिल्ला अधिकारी सुनिता नेपालको प्रमुख आतिथ्यतामा शहिद स्मृति पार्क बिजुवारमा धुपी, अशोक, म्याङ्गोस्टिन,गन्धराज, शिब पार्बति, चाईनिज गुलाब, गोल्डमोहर, कटहरि चम्पा, एरिका पाम, एजिलिया लगायतका बिरुवाहरु रोपण गरिएको डिभिजन वन कार्यलय प्यूठानका रेन्जर हरी पौडेलले बताउनुभयो ।
१३० वटा १७ प्रजातिका विरुवा रोपण गरिएको छ ।

डिभिजन वन अधिकृत श्री शंकर प्रसाद गुप्ताको अध्यक्षता र जिल्लाका वन वातावरणसँग सम्बन्धित सरोकारवालाहरुको सहभागितामा बृक्षरोपण गरिएको हो ।