News Portal

रेडियो सुन्नुहोस्

बिगतलाई भुल्न त भएन नि ?

किरण पोख्रेल (एक बसन्त)२०७९ पाैष ०६ गते प्यूठान
१०२ पटक
२०७९ पाैष ०६ गते प्यूठान

लामो इतिहास बोकेको नेपाली काँग्रेसको बिगत गर्वलाग्दो भएपनि बिगत दुई दशक भने खासै राम्रो रहेन । नेपाली काँग्रेसभित्र सुवर्ण, विपि, गणेशमान तत्कालीन समयका चर्चित नेता थिए । सुनेको वि पि भन्नुहुन्थ्यो एकदिन नेपाली काँग्रेसमा खराब मानिसहरुको हालीमुहाली हुनेछ जसको अन्त्यको लागि असल कार्यक्रताले पार्टीभित्र विद्रोह गर्नुपर्ने हुन्छ । आज विपिको त्यो भनाइले सार्थकता पाएको छ ।

अहिलेको समग्र राजनितीको चर्चा गर्दा यहाँ दुई तरिकाले सोच्ने मान्छेहरु राजनितीमा छन् । एक दिमाग र दुईमा दिल, देशविकास भन्दा पनि आफ्नो स्वार्थ भनौं नाम र दाम परिपुर्तिको लागि राजनितीलाई प्रयोग गर्नेहरुले दिमाग देखि सोच्छ्न् । जसले राष्ट्रहित, जनहितको लागि सोच्छ्न् उनिहरु दिलदेखी सोच्ने गर्छन् । दिमाग देखी सोचेर राजनीति गर्नेहरुले गर्दा नै दिलदेखि सोच्नेहरुको अवमूल्यन भैरहेको छ । जसले गर्दा देशले ठुलो मूल्य चुकाउन परेको छ । जब नराम्रा मान्छेहरुको भिड ठुलो हुँदै जान्छ त्यहाँ राम्रा मान्छेहरु पाखा लाग्ने गर्छन् । त्यसैले राजनीतिमा राम्रा मान्छेहरुको भिड बढाउनु छ । उनिहरुलाई साथ र समर्थन गर्नु छ । जसले गर्दा नराम्रा मान्छेहरु पाखा लागुन् । त्यसैले जुन दल पार्टीबाट आएपनि आशालाग्दा युवाहरुलाई राजनितीमा स्वागत छ । जनभावनालाई बुझेर काम गर्नु पार्टी र नेता दुबैको जिम्मेवारी हुन्छ । अझ पाटि नेतृत्वले झन् यो कुरालाई बढी गम्भीरताका साथ लिनुपर्छ । नेपाली राजनीतिको पछिल्ला ३ दशकमा उनै अनुहारहरु पालै पालो सत्तामा बसेर नेतृत्व गर्दा अस्थिर सरकार र नेताका जिवनशैलिमा परिवर्तन भयो तर देश र जनताको स्थिती ज्युँ को त्यँु रह्यो । देशलाई आवश्यक परेको बेला राजनीति परिवर्तन गर्न सक्ने चाहे विपि हुन् या प्रचण्ड जस्ले गरे युवा अवस्थामै गरे । आफुहरु युवा अवस्थामा विद्रोह गरि नेतृत्वमा पुगेर अहिले बिगतलाई भुल्न त भएन नि ?

१४ औं महाधिवेशनमा गुट बचाउ अभियानमा उहाँ सभापति दोहोरिनु भएको हो । आदरणीय सभापतिलाई फेरी प्रधानमन्त्री बन्न बाध्य बनाउने तिनिहरु हुन् जो “मै खाउँ मै लाउँ मै मात्र बनु” भन्ने सोँच राख्छन्, जसको राजनैतिक भविष्य सभापतिको आशीर्वादले मात्रै टिकेको छ । विपिले भनेझैं नेतृत्वले गलत गर्दा पनि टुलुटुलु हेरेर बस्ने कार्यकर्ता या त चरम अवसरवादी हुन् या त दास हुन् । नेतृत्व परिवर्तन संगै सहि नेतृत्वले के गर्छ भन्ने कुरा राप्रपाले छोटो अन्तराल मै देखाइदियो भने जनमोर्चा (मसाल)को हविगत देखिएकै छ । नेपालमा राजनीति स्थिरता छैन । कसैले यो नसोचे हुन्छ । अब काँग्रेसका छोरा काँग्रेस नै रहन्छन् । काँग्रेस कै घरबाट पुर्ण रुपमा प्रत्यक्ष छाडौँ समानुपातिक मै काँग्रेसमा भोट गएको छैन ।

अहिले भैरहेको भारतको राज्यचुनावमा भाजपा र आम आद्मिको उदयसंगै अहिले काँग्रेसको के हालत छ ? ठिक त्यहीँ मार्गमा नेपाली काँग्रेस छ । भर्खरै सम्पन्न सम्सदिय चुनावमा नेपाली काँग्रेसले गठबन्धन गरेर प्रत्येक्षतर्फ ५७ र समानुपातिक तर्फ ३२ सिट गरेर जम्मा ८९ सिट लिन सफल भएको छ । गठबन्धन गरेर लिएको प्रत्येक्ष सिट संख्या र समानुपातिकमा बिगतको भन्दा कम मत संख्याले पार्टीलाई थप कमजोर साबित गरेको छ । यस्तो बिग्रदो स्थिति, काँग्रेसभित्र उहीँ पुराना नेताहरुको नेतृत्व र सरकारमा हुँदा केही गर्न नसकेको अवस्थाले युवा कार्यकर्ता काँग्रेसको विकल्पमा अरु रोज्न थालेको पाइन्छ । अहिलेको राजनीति परिस्थिति र कार्यकर्ताको भावनालाई सम्बोधन गर्दै यसपाली नेपाली काँग्रेस सभापति शेर बहादुर देउवा, सम्माननिय नेता, रामचन्द्र पौडेल, प्रकाशमान सिंह र शेखर कोइरालाले गगन थापालाइ संसदिय दलको नेता बनाउदै देशको प्रधानमन्त्री गराउँदा पार्टी रहन्छ । पाटिभित्र हामी रहन्छौँ । मैले काँग्रेस नेतृत्वमा परिवर्तन चाहान्छु भने अरु हजारौं लाखौं काँग्रेस प्रेमीहरुले चाहानुहुन्छ।

 

प्रतिकृया दिनुहोस्

हामीस‌ग जोडिनुहोस।

अनाथ बालबालिकालाई सहयोग

हिजो आइतबार मल्लरानी गाउँपालिका वडा नं ३ का २ जना अनाथ बालबालिकालाई आर्थिक सहयोग गरिएको...

चौतारीको स्थापना दिवसमा सम्मान सहित विविध कार्यक्रमको आयोजना

प्रेस चौतारी नेपाल जिल्ला शाखा प्यूठानले २५ औं स्थापना दिवसको अवसरमा विविध कार्यक्रमको आयोजना गरी...

प्रेस चौतारी नेपालको २५ औं स्थापना दिवस प्युठानमा पनि मनाउने

प्रेस चौतारी नेपालको २५ औं स्थापना दिवसको अवसरमा प्युठान शाखाले विविध कार्यक्रम गरि मनाउने तयारी...

मान्डवि गाउँपालिका ३ का विभिन्न स्थानमा सम्पन्न एक हजार मिटर पक्कि कुलो तथा सार्वजनिक धारो निर्माणको अनुगमन

प्रधानमन्त्री स्वरोजगार कार्यक्रम अन्तरगत मान्डवि गाउँपालिका ३ मा सम्पन्न भएका एक हजार मिटर पक्कि कुलो...

एक दिने बाख्रा पालन कार्यक्रम बिजयनगरमा सम्पन्न

एक दिने बाख्रा पालन कार्यक्रम शनिबार प्यूठान नगरपालिका ३ बिजयनगरमा सम्पन्न भएको छ । एकिकृत...

हामिस‌ग जोडिनुहोस।

समाचार सुचना र मनोरञ्जनका लागी