बोम बहादुर परियारमाघ २३ प्युठान
माघ २३ प्युठान हिजो आइतबार मल्लरानी गाउँपालिका वडा नं ३ का २ जना अनाथ बालबालिकालाई आर्थिक सहयोग गरिएको छ।
युनिसेफको आर्थिक सहयोगमा सिद्वार्थ सामाजिक विकास केन्द्र कपिलबस्तु मार्फत बुवाआमा नभएका र आर्थिक अबस्था कमजोर भएका एक जना बालबालिकालाई पाँच हजार र एक जना अभिभावक गुमाएको र आर्थिक अवस्था कमजोर भएको एक जना बालबालिकालाई चार हजारका दरले सहयोग गरिएको हो।
मल्लरानी गाउँपालिका वडा नं ३ का वडा अध्यक्ष नोमराज पौडेलले वडा कार्यालयमा उक्त रुकम बालबालिकालाई हस्तान्तरण गर्नुभएको हो। अध्यक्ष पौडेलले असाहय ,गरिव बालबालिकाको लागि निरन्तर सहयोग गरेकोमा सहयोगि संस्थालाई धन्यवाद दिनुभयो।
बालबालिकाको पठनपाठनमा सहयोग पुग्ने उदेश्यले अनाथ बालबालिकालाई सहयोग गर्दै आएको मनोसामाजिक कार्यकर्ता जया पोख्रेलले जानकारी दिनुभयो।
