०५ फागुन २०७९माण्डवी गाउँपालिा ३ नयाँगाउँमा रहेको रामेश्वर प्रा.वि मा अध्ययन गर्ने विद्यार्थीहरुलाई वडा अध्यक्ष धनेन्द्र कार्कीले पोसाक उपलब्ध गराएका छन् । कक्षा १ देखी ५ सम्म रहेको त्यो स्कूलमा अध्ययनरत विद्यार्थीहरुलाई व्यक्तिगत रुपमा आफुले पाउने सेवासुविधा मार्फत १० जना विद्यार्थीहरुका लागि स्कूल पोसाक प्रदान गरेको उनले बताए ।
निकै नाजुक, दयनिय अवस्था देखेर आफुले सहयोग गरेको अध्यक्ष कार्कीले जानाए । जनप्रतिनिधिहरु सेव सुविधामा मात्र तल्लीन नभई सामाजिक कार्यमा पनि लाग्न आवश्यक रहेको भन्दै उनले यस्तो कार्य गरेको सुनाए । त्यस्तै उनले चुनावको बेला जनता सामु गरेका बाचाहरुलाई पुरा गर्नको लागि पनि यस्तो काम आवश्यक रहेको बताए ।
उनले यसअघि पनि सोही स्कूलको लागि एउटा बोर्ड समेत उपलब्ध गराएको जानकारी दिए । स्कूलको मात्र नभएर हरकेहीको समस्याहरु आफुमा लिएर आएमा त्यसलाई आफुले सकेसम्म कार्यन्वयन तिर लैजान कोसिस गर्ने बताए । साथै पोसाक उपलब्ध गराएकोमा विद्यालयले अध्यक्ष कार्कीलाई धन्यवाद समेत व्यक्त गरेको छ ।
