१३ फागुन २०७९मल्लरानी गाउँपालिका अध्यक्ष कृष्ण बहादुर खड्काले गाउँपालिका भित्र उत्पादन भएका तरकारीको बजारिकरणको लागि पालिकाले समन्वय गर्ने बताए छन् । मिनिटिलर मर्मत सम्बन्धि ३ दिने तालिमको उद्घाटन कार्यक्रममा बोल्दै अध्यक्ष खड्काले तरकारीको बजारीकरणको समन्वय र पालिकामा भएको हातबजारलाई व्यवस्थापन गर्ने बताएका हुन् ।
अध्यक्ष खड्काले गाउँपालिकाले यसलाई व्यवसायिक रुपमा किसानहरुलाई खेती प्रणालीमा जोड दिएको समेत बाएका छन् ।
तरकारी खेति सामुहिक रुपमा गर्न सके अझै सफलता लिन सकिने अध्यक्ष खड्काको भनाई छ ।
त्यस्तै जनप्रिय स्मार्र्ट कृषि गाउँ कार्यक्रम लुम्बिनी प्रदेशका संयोजक नारायण भट्टराईले हालको किसानहरु सुस्तपना भएको भन्दै सक्रिय भएर लाग्न अनुरोध गरे । साथै उनले मौसमी मात्र नभएर बेमौसमी तरकारी खेतिमा लाग्न पनि सहभागिहरुलाई आग्रह गरेका छन् ।
त्यस्तै प्रदेश सरकार र मल्लरानी गाउँपालिकाको बहुबर्षिय शर्सत अनुदानम स्मार्ट कृषिका लागि बाटो मर्मत हुने कार्य पनि भइरहेको अध्यक्ष थापाले बताए ।
प्रदेश सरकार र गाउँपालिका बाट ५० र ५० लाख गरि कुल एक करोडको लगानीमा कामहरु अगाडी बढेको उनले जानकारी दिए ।
तालिम अवधिभर कृषि औजार इन्जिनियर बिष्णु पौडलले प्रशिक्षण दिने समेत बताइएको छ ।
मल्लरानी गाउँपालिकाको आर्थिक सहयोग तथा जनप्रिय स्मार्ट कृषि गाउँ कार्यक्रम मल्लरानी गाउँपालिका वडा नं २ को आयोजनामा तालिम शुक्रबार बाट सुरु भएको छ ।
२ नं वडाको कुडारामा सुरु भएको कार्यक्रम ३ दिन अर्थात १४ गतेसम्म चल्ने वडा अध्यक्ष लेख बहादुर थापाले जानकारी दिए ।
कार्यक्रममा वडाबाट कुल ५८ जना कृषकहरु सहभागि भएको छन् ।
जनप्रिय स्मार्ट कृषि गाउँ कार्यक्रमका संयोजक नारायण भट्टाराईको अध्यक्षतामा सुरु भएको कार्यक्रमको प्रमुख अतिथि मल्लरानी गाउँपालिका अध्यक्ष कृष्ण बहादुर खड्का, विशिष्ट अतिथि गाउँपालिका उपाध्यक्ष रमेशराज श्रेष्ठ, अतिथि वडा अध्यक्ष लेख बहादुर थापा मगर, कृषि शाखा प्रमुख मोति आचार्य लगायतको उपस्थिति रहेको थियो ।
