पछिल्लो समय आधुनिकता भित्रिएसँगै होली पर्वको मौलिकता हराउँदै गएको छ । हरेक वर्ष फाल्गुन शुक्लपूर्णिमा तिथि अर्थात होली पूर्णिमाको दिन मनाइने होलीमा गाइने होरी तथा जोगिरा जस्ता गीत विस्तारै लोपहुँदै गएका हुन् । “पहिले पहिले होली आउनुभन्दा दुईचार दिन अगाबै विषेश गरी पुरुषहरु हातमा डम्फु लिएर गाउँगाउँमा नाचँगान गर्न हिड्दथे तर आजभोली त्यसको साटो केटाकेटीहरु होलीका दिन डाडाँकाडाँमा गएर हिन्दी, रफ तथा डिजे गितमा नाच्न एवम् झुमिन थालेका छन्, माण्डवी गाउँपालिका वडा नं.२ का मान बहादुर खड्काले भने ।”
उहाँले भन्नुभयो “हाम्रो पालामा उठ भाई राता हो, फागुने हुरी आयो, उठ भाई उठ हो भन्दै गित गाउथ्यौ तर अहिले विस्तारै लोप हुदै गएको छ । ” “आजभोलि गाउँदेखि शहरसम्म विभिन्न सङ्घसंस्था, सङ्गठन तथा सरकारी कार्यालयमा एकसाता अगाडिदेखिनै होलीको नाममा होली मिलन कार्यक्रमको आयोजना गरेर सामूहिक रुपमा एकआपसमा शुभकामना आदानप्रदान गर्ने गरेको पाइन्छ । अहिले जे जस्तो कार्यक्रम गरेर होली मनाए पनि होलीको मौलिकता भने हराउँदै गएको छ । विगतमा होलीमा गाइने परम्परागत होरी र जोगिरा सररर जस्ता गीतहरु अहिले सुन्न पाइन छोडिएको छ, खड्काले भने ।”
पहिले होलीमा हल्का रङ्ग र अबीर मात्र खेलिन्थ्यो । अहिलेको होली मोबिल, कालो रङ्ग, कुहिएको अण्डा, हिलो र पानीको होलीमा परिणत भएको छ । साँझ परेपछि परम्परागत होरी र जोगिरा गाइन्थ्यो ।आजभोलिका होली गीतमा अपाच्य शब्द प्रयोग हुने गरेका छन् । अहिले डिजेमा अश्लिल र अपाच्य गीत बज्ने गरेका छन् । जसले गर्दा हाम्रो परम्परागत होली लोप हुँदै गइरहेको हो । विशेष गरी होरी गित प्यूठानको माण्डवी, प्यूठान नगरपालिका, सरुमारानी गाउँपलिका लगाएत दाङ सहित तराई जिल्ला र सुदुरपश्चिम प्रदेशमा गाइने प्रचलन छ ।