२०७९ फागुन२४ प्यूठानगौमुखी गाउँपालिकाले दौड प्रतियागितामा जिल्ला प्रथम हुने खेलाडीलाई कक्षा १२ सम्म निशुल्क अध्यापन गराउने निर्णय गरेको छ । गत फागुन १८ गतेदेखी २० गते सम्म सञ्चालित जिल्ला स्तरीय १२ औ राष्ट्रपति रनिङ शिल्ड प्रतियोगितामा ३हजार र १५ सय मिटर दौडमा जिल्ला प्रथम हुने कुल बहादुर सुनार र अञ्जली मल्ललाई निशुल्क निशुल्क अध्यापन गराउने निर्णय गरिएको हो । कुल बहादुर सुनार अहिले अर्खा मावी अर्खामा कक्षा ९मा अध्ययनरत् छन् भने अञ्जली मल्ल खरा मावीमा कक्षा ६ मा अध्ययनरत् छिन ।
गाउँपालिकाको सानो सहयोगले अध्ययनसँगै अतिरित्त क्रियाकलापमा पनि उत्प्रेरित गराउने भन्दै कक्षा १२ सम्म निशुल्क निशुल्क अध्यापन गराउने भएको हो । पछिल्लो समय गौमुखी गाउँपालिकाले पढाईका साथसाथै खेल तथा अन्य सामाजिक क्रियाकलापमा सक्रिय पालिका भित्रका बालबालिका तथा विद्यार्थीहरुलाई सम्मान, पुरस्कृत एवम् आर्थिक सहयोग गर्दै आईरहेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
