News Portal

रेडियो सुन्नुहोस्

आहा ! नौकुलोले दिदै छ किसानलाइ खुसी

झुलेनी नेटवर्क२०७९ चैत्र १४ प्यूठान
४५३ पटक
२०७९ चैत्र १४ प्यूठान

प्यूठान नगरपालिका १, २ र ३ वडाका स्थानीयले लाभलिने विजयनगरको नौकुलो सिँचाइ योजना निमार्ण पूरा हुँदै छ ।

बर्षौ पहिले स्थानीयले श्रमदानगरेर निर्माण गरेको कुलो प्रदेश सरकारको लागतमा पक्किभएपछि यस क्षेत्रका किसानले चाहेको समयमा खेतबारीमा सिंचाइ गर्न पाउने छन् ।
कुलो निर्माणको काम लगभग अन्तिम अवस्थामा पुगेको छ ।

सिँचाइ डिभिजन कार्यालय बिजुवार मार्फत ३ करोड ४० लाख ४४ हजार ३ सय १४ रुपैपाँ ३ पैसामा योजना निर्माण गर्ने ठेक्का आँशु निर्माण सेवा प्यूठानले पाएको छ ।

२०८१ साल असार २९ मा सक्नपर्ने कुलोको काम निर्माण व्यवसायीले एक वर्ष पहिलेनै निर्माण पूरा गर्न थालेका छन् ।

समयअगावै कुलो निर्माणको काम पूरा हुन थालेकोमा स्थानीय किसान उत्साहित छन् ।

‘यसवर्ष हिउँदभर निर्माणको काम चलेकाले सिँचाइ गर्न पाएनौ,’प्यूठान नगरपालिका ३ का किसान दामोदर गौतमले भने,‘मुहानदेखिनै पक्कि कुलो बारी छेउमै आइपुगेको छ ।’

सिचाइको राम्रो व्यबस्था हुने भएपछि यस क्षेत्रका किसानहरुबीच तीनखेति गर्नेबारे सरसल्लाह हुन थालेको गौतमले बताए ।
नौकुलो निर्माणको भौतिकप्रगति ८० प्रतिशत सम्पन्न भएको कार्यालयले जनाएको छ ।

ठेक्का भएर कुलो समयमै निर्माण पूरा हुन थालेपछि स्थानीय हर्षित भएको उपभोक्ता समितिका अध्यक्ष मधुसुदन शर्माले बताए ।

शर्माका अनुसार कुलोले १ हजार ५ सय रोपनी क्षेत्र जग्गा सिँचाइ गर्छ । प्यूठान नगरपालका ३ को बिजयनगर स्थित जुम्री खोलो कुलोको मुहान हो ।

यहाँ देखि ३ किलो मिटर प्यूठान नगरपालिका २ हुँदै १ दाखाक्वाडीसम्म कुलोले सिँचाइ सुविधा पु¥याउछ । कुलो निर्माणमा कार्यालय र स्थानीयवासीको सहकार्यका कारण योजना एक वर्ष पहिलेनै सम्पन्न हुन थालेको निर्माण व्यवसायी बालाजु श्रेष्ठले बताए ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

छेडियो नंगेनीभिर, खुल्यो मैरामारे–जुम्रीकाँढा सडक

प्यूठानको नौबहिनी गाउँपालिका–७,को मैरामारे देखि प्यूठान नगरपालिका–५ जुम्रीकाँढा सडक ट्याक ओपन भएको छ । स्थानीयले...

नौवहिनी गाउँपालिकाको दोश्रो चौमासिकको सार्वजनिक सुनुवाई सम्पन्न

नौवहिनी गाउँपालिकाको आर्थिक वर्ष २०८१/०८२ को दोश्रो चौमासिकको सार्वजनिक सुनुवाई कार्यक्रम सम्पन्न भएको छ ।...

प्यूठानमा आंङ खस्ने महिलाको निशुल्क शल्यक्रिया शिविर सञ्चालन हुने

प्यूठान आङ खस्ने महिलाका लागी निशुल्क शल्यक्रिया सिविर संचालन हुने भएको छ । शुक्रवार स्वास्थ्य...

प्यूठान अस्पताल भवन अलपत्र, ठेकेदार बेखबर

प्यूठान अस्पताल भवन अलपत्र परेको छ । निर्माणको जिम्मा दिएको ठेकेदार बेखबर छन् । भवन...

अनेरास्ववियु र युवा संघको स्थापना दिवसमा रक्तदान तथा फलपुल वितरण

अनेरास्ववियुको ६१ औँ तथा राष्ट्रिय युवा संघको ३६ औँ स्थापना दिवसको अवसरमा प्यूठानमा रक्तदान र...