२०७९ चैत्र १६ गतेमल्लरानीको पर्यटन प्रवद्धनको लागि आयोजना गरिएको मल्लरानी फुड फेस्टिवलको तयारी तिव्र पारिएको छ ।
पर्यटकिय स्थल मल्लरानीको डाँडालाई प्रचारप्रशार गरि पर्यटन प्रवर्द्घन गर्न फुड फेस्टिवल कोसे ढुंगा सावित हुने अपेक्षा आयोजकले लिएको छ ।
मल्लरानीलाई आकर्षक पर्यटकिय गन्तव्य बनाउने उदेश्यले फेस्टिवल गर्न लागिएको आयोजक प्यूठान उद्योग बाणिज्य संघ मल्लरानी बजार क्षेत्रका अध्यक्ष तथा आयोजक समिति संयोजक बासुप्रसाद श्रेष्ठले बताए ।
महोत्सवमा विभिन्न विधामा कार्यक्रम तथा खानाका परिकारहरुको पनि प्रदर्शन हुने भएको छ ।
मल्लरानी स्तरीय लोक गित प्रतियोगिता, पुराना लोप हुँदै गएको सस्कृतिलाई झल्काउनको लागि पात बजाउने, मल्लरानी पर्यटन प्रवद्धनका संभावना र चुनौति बिषयक अन्तर मा।वि स्तरीय बत्तृत्वकला लगायतका प्रतियागिता हुनेछ ।
त्यस्तै विभिन्न जातिय संकार अनुसारको खानाका परिकारहरुको प्रदर्शन हुने मल्लरानी पर्यटन प्रवद्धन प्रचारप्रसार समिति संयोजक लोकेन्द्र सुनारले बताए । महोत्सव यहि चैत्र ३० गते देखी २ गतेसम्म तीन दिन चल्ने छ ।
