सुनिलस्मृति गाउँपालिकाको लुङ्ग्री खोलामा आइतबार सफल ¥याफ्टिङ परीक्षण गरिएको छ । सुलिचौरदेखि भिङ्ग्रीसम्म सफलतापूर्वक परीक्षण गरिएको गाउँपालिका प्रेस संयोजक आशीष भारद्वाजले जानकारी दिनुभयो । ¥याफ्टिङको सोमबार उर्जा, जलस्रोत तथा सिंचाई मन्त्री वर्षमान पुनले औपचारिक उदघाटन गर्ने कार्यक्रम छ ।

परीक्षणमा सुनिलस्मृति गाउँपालिका अध्यक्ष गुणेन्द्र घर्तीमगर, वडा नं। ४ का अध्यक्ष गञ्जबहादुर क्षेत्री, नेकपाका रत्न महरा, उद्योग वाणिज्य संघ रोल्पाका सदस्य केशव थापा लगायतको उपस्थिति थियो ।

र्याफ्टिङका लागि सुनिलस्मृति गाउँपालिकाले आर्थिक सहयोग गरेको छ भने कर्णाली ¥याफ्टिङ एन एडभेन्चर प्रालिले प्राविधिक सहयोग गरेको छ । प्रालिका र्याफ्टिङ चालक विष्णु जैसीले सफलतापूर्वक परीक्षण गर्नुभएको छ ।