मल्लरानी गाउपालिका ३ का सफल कृषकहरुलाई मौसमी तथा बेमौसमी तरकारी खेती सम्बन्धी तालिम दिएको छ । मल्लरानी गाउपालिका कृषि शाखाको आयोजनामा बिहिबार वडा अध्यक्ष नोमराज पौडेलको अध्यक्षतामा २ दिने तालिमको उद्घाटन गरिएको हो ।

तालिमको आज पहिलो दिन किसानहरुलाई टमाटर, आलु र बिभिन्न तरकारी बाली उत्पादन र त्यसमा लाग्ने रोगको ब्याबस्थानको बिषयमा प्रशिक्षण दिएको थियो ।

किसानहरुलाई नया कृषि प्रबिधिको बारेमा जानकारी गराउदै प्राङ्गारिक कृषि उत्पादन गर्ने सफल किसानलाई तालिममा सहभागी गराएको मल्लरानी गाउपालिका कृषि साखा प्रमुख मोति आचार्यले बताए ।

यस आर्थिक बर्षमा गाउपालिकाका सबै वडामा उक्त तालिम उपलब्ध गराएको आचार्यको भनाई छ ।
तालिमको सहजिकरण गर्दै प्रधानमन्त्री कृषि आधुनिकिकरण परियोजना कार्यावनन ईकाई प्युठानका प्रमुख चुमान गिरिले किसानहरुलाई बीउ बाडेर मात्र नहुने र प्रबिधिको प्रयोग गरेर कृषि ब्याबसायमा लाग्न आग्रह गरेका छन् ।

पहाडको ठाउमा १२ वटै महिना टमाटर ब्यावसाय गर्न सकिने भन्दै मल्लरानी ३ को भुगोल बीउ उत्पादन गर्नको लागि उपयुक्त ठाउँ रहेको उनले बताए । त्यस्तै किसानहरुको ईच्छा र चाहाना भए मल्लरानी ३ मा टमाटरको बीउ उत्पादनको लागि आफुले पहल गर्ने गिरिले बताए ।

किसानहरुलाई तालिममा काउली बाली, सामुहिक तरकारी खेती र प्रबिधिको प्रयोग, लहरेबाली, तरकारी बालिमा लाग्ने किरा र त्यसको ब्याबस्थापन, सुरक्षित बिषादिको प्रयोग, झोलमलको महत्व र प्रयोग गर्ने बिधिका बिषयमा सिकाईने मोति आचार्यले बताए ।