२०८० श्रावण १३प्युठानको पर्यटकिय सम्भावना बोकेको मल्लरानी डाँडामा बृक्षारोपण गरिएको छ । साइन रेसुङ्गा डेभलपमेन्ट बैंकको राष्ट्रिय कार्यक्रम गो्र ग्रिन प्रोजेक्ट मार्फत सनिवार मल्लरानीमा ८५ वटा वोटविरुवाको वेर्ना रोपिएको हो ।
बृक्षारोपण कार्यक्रमका प्रमुख अथिती मल्लरानी गाउँपालीकाका अध्यक्ष कृष्ण बहादुर खड्काले पहिलो बेर्ना रोपेर उद्घाटन गर्दै मल्लरानीलाई पर्यटकिय गन्तब्यको रुपमा अझ बिकास गर्न गाउँपालिका लागि परेको बताए । त्यस्तै रोपिएका बिरुवाहरुलाई संरक्षण गर्न पालिकाबाट सहयोग गर्ने उनको भनाइ छ ।मल्लरानी ४ का वडाध्यक्ष कुमार श्रेष्ठले सामुदयिक बनमा रोपिएका बिरुवालाई संरक्षण गर्नुपर्ने बताए ।
कार्यक्रमका अध्यक्ष तथा साइन रेसुङ्गा बैंक विजुवार शाखाका प्रमुख योगेन्द्र विष्टले आफुले रोपेका बिरुवाको आफै संरक्षण गर्नेगरी बैंकले लिएको राष्ट्रिय कार्यक्रमलाई बृक्षारोपण गर्दै प्युठानमा पनि लागु गरिएको वताए ।
पर्यटकिय सम्भावना बोकेको मल्लरानी डाँडामा थप आकर्षण देखाउने उदेश्य सहित बिभिन्न प्रजातीका बोटबिरुवा र फुलहरु रोपिएको साइन रेसुङ्गा डेभलपमेन्ट बैंक खलंगा शाखाका प्रमुख विन्जन वस्नेतले बताए ।
त्यस्तै खलंगाका ८३ बर्षिय जुक्त प्रसाद पोख्रेल मल्लरानीमा बर पीपल रोप्ने आफ्नो सपना पुरा भएको बताए । मल्लरानी डाँडाको छेउमै जुक्त प्रसाद र उनकी श्रीमती धना पोख्रेलले बोटबिरुवा रोपेपछि धर्म कमाइन्छ भन्दै वर पिपल रोपेका हुन् । ८३ बर्षिय बृद्ध जुक्त प्रसाद र ७५ बर्षिय बृद्धा धना पोख्रेलले कार्यक्रममा सहभागि हुंदै बिरुवा रोप्न पाएकोमा खुशी भएको बताए ।
साथै बैंकको प्युठानमा रहेका छ वटै शाखाकाकर्मचारीहरुको उपस्थितीमा बृक्षारोपण गरिएको हो । बृक्षारोपणमा सहकार्य गर्दै डिभिजन बन कार्यालय प्युठानका प्रतिनिधी, मल्लरानी ४ का जनप्रतिनिधी, मल्लरानी विहानी पदयात्रा समुह लगायतले सहयोग गरेका थिए ।
कार्यक्रमको सञ्चालन बहाने शाखाका प्रमुख कृष्ण बहादुर के.सी गरेका थिए ।
