सरकारी गाडीहरु दुरुपयोग गरिएको भन्दै युवा संगठन प्यूठानले प्यूठानमा ३ वटा सरकारी मोटर साइकल नियन्त्रणमा लिएको छ । मंगलबार बिहान प्यूठान नगरपालिका ७ पुण्यखोला स्थित जिल्ला खेलकुद विकास समितिको कर्वडहल अगाडीबाट मोटरसाइकल नियन्त्रणमा लिएर प्रहरीलाई बुझाएको युवा संगठन नेपालका केन्द्रिय सदस्य तथा प्यूठानका इन्चार्ज बिरबल केसीले जानकारी दिए ।
जिल्लामा सरकारी गाडीहरु दुरुपयोग रोक्नको लागि मोटर साइकल नियन्त्रणमा लिएर प्रहरीलाई बुझाएको केसीले बताए ।

संगठनले मोटरसाइकल नियन्त्रणमा लिएर ईलाका प्रहरी कार्यालय बिजुवारलाई जिम्मा दिइएको छ । सरकारी सेतो प्लेट नम्बर गरेको लु १ ब २५६७, लु १ ब २५६८ र लु १ ब २०४९ नम्बरको मोटरसाइल नियन्त्रणमा लिएर प्रहरीलाइ बुझाएको युवा संगठन प्यूठानले जनाएको छ । हरेक दिन कवर्डहलका ब्याडमेन्टिन खेल्न जादा सरकारी कर्मचारी मोटरसाइकल दुरुपयोग गरिरहेकाले रोक्नको लागि मोटरसाइकल नियन्त्रणमा लिएको केसीले बताए ।

सरकारी काम बाहेक सरकारी सवारी प्रयोग किन भएको भन्ने विषयमा सम्बन्घित कार्यालय प्रमुखसंग बुझेर मोटरसाइकल दुरुययोग गर्ने व्यक्तिालाई सचेत गराइने प्रमुख जिल्ला अधिकारी मदन कोइरालाले बताए ।