प्यूठान भालुवाङ्ग सडक खण्ड अन्तर्गत पर्ने गर्जेनीमा बुधबार राती आएको सुख्खा पहिरोले सकड अवरुद्ध गरेको छ ।

गर्जेनिको समस्या अहिले मात्र होइन यो भन्दा अगाडीका दिनमा समेत पटक पटक सुख्खा पहिरोले  सडक खण्ड अवरुद्ध गर्ने गरेको थियो । सडक डिभिजन कार्यालयले विहानै देखी बाटो खुलाउने काम जारी राखेको सडक डिभिजन कार्यालय प्यूठानका सब इन्जिनियर प्रकाश अधिकारीले जानकारी दिए ।

पहिरोको अवस्थालाई हेर्दा अहिलेसम्म कै सबैभन्दा ठूलो पहिरो भएको सबइन्जिनियर अधिकारीले बताए । लगभग पहिरो ६० मिटर भन्दा माथीबाट आएको उनले जानकारी दिए । उनका अनुसार त्यहाँ अहिले सडक खुलाउनको लागि ३ वटा मेसिनले काम गरिरहेको छ । टाढाको यात्रा गर्ने यात्रुहरुले बैकल्पिक बाटो देविस्थान देखी घोराही सम्मको ४८ किलोमिटर हुँदै यात्रा गर्न अनुरोध गरिएको छ । तत्काल पहिरो हटाउने स्थिति नभएका कारण यात्रुहरुलाइ त्यहाँ कुरेर नबस्न पनि आग्रह गरिएको छ ।