प्यूठान–भालुवाङ्ग सडक–खण्ड अन्तर्गत पर्ने गर्जेनीमा फेरी पहिरो आएको छ । शुक्रबार विहान पहिरो पन्छाईरहेको अवस्थामा पुनः पहिरो झरेपछि सडक खुलाउन समस्या भएको सडक डिभिजन कार्यालय प्यूठानले जनाएको छ । पहिरो हटाईरहेको समयमा माथीबाट पहिरो खसेपछि थप २/३ दिन लाग्न सक्ने कार्यालयका सवइन्जिनियर प्रकाश अधिकारीले जानकारी दिए । त्यहाँ अहिले ब्याक होल्ड लोडर, व्हिल लोडर, स्काभेटर गरि ४ वटा मेसिन लगाएर पहिरो हटाउने काम भइरहेको अधिकारीले बताए ।

उनका अनुसार माथीको भाग चिरा परेको हुँदा हिजो विहिबारकोे भन्दा आज झन ठूलो पहिरो आएर समस्या भएको हो । प्यूठान रोल्पामा चल्ने गाडीहरु बुधबार राती देखी पूर्णरुपमा अवरुद्ध रहेका छन् । यो सडकखण्डमा यात्रा गर्दा सुचना लिएर मात्र यात्रा गर्न सडक डिभिजन कार्यालय प्यूठानले आम सर्वसाधारणलाई आग्रह गरेको छ ।