नेकपाका नेता चन्द्र बहादुर खड्का (असल क्षेत्री) रिहा भएका छन । गत भाद्र ५ मा काठमान्डौको नागढुगाबाट पक्राउ परेका क्षेत्री आज रिहा भएका हुन ।बुटवलको भारतिय पेन्सन क्याम्पमा आगजनी गरेको आरोप लगाइएका उनलाइ संलग्न नभएको भन्दै अदालतले गरेको छाड्न गरेको आदेश लत्याउदै उनलाई फेरी पक्राउ गरी मकवानपुरको विष्पोटको घटनासंग जोडेर मकवापुर लगिएको थियो ।

सर्वोच्च अदालतले असोज १५ गते सोमबार लिखित जवाफसहित ३ दिनभित्र उपस्थित गराउन दिएको आदेशलाई सरकारले लत्याएको थियो ।खड्कालाई बिनाकारण पक्राउ गरी गैरकानूनी थुनामा राखेको भन्दै तत्काल रिहाईको माग गर्दै दुर्गाप्रसाद जैसीले दायर गरेको रिटमाथि बहसपछि सर्वोच्चले लिखित जवाफसहित बन्दीलाई ३ दिनभित्र अदालतमा उपस्थित गराउन सरकार, गृहमन्त्रालय, मकवानपुर जिप्रका लगायत विपक्षीहरुको नाममा असोज १५ गते सोमबार आदेश दिएको थियो ।

रिहापछि उनका समर्थक तथा नेकपाका कार्यकर्ताले खुशीयाली मनाएका छन ।
पक्राउ गरेपछि शारिरिक यातना समेत दिएको सरकारले उनलाइ मानसिक रुपमा पनि यातना दिदै कहिले काठमान्डौं, कहिले रुपन्देही त कहिले मकवानपुर डुलाएको थियो । जनयुद्धमा जनमुक्ति सेनाको विग्रडियर कमाण्डर समेत बनेका उनि सल्यानका कम्युनिष्ट नेता हुन । जनयुद्धको वलमा बनेको गणतन्त्रको कम्युनिष्ट सरकारले नै उनलाइ पक्राउ गरेर दुख दिएको हो ।