अन्तराष्ट्रिय यूवा दिवसको अवसर पारेर मल्लरानी क्षेत्रमा सरसफाई गरिएको छ । यूवा समिति प्यूठान र वास नेपाल जिल्ला शाखा प्यूठानको संयुक्त आयोजनामा शनिबार पर्यटकीय क्षेत्र मल्लरानीमा सरसफाई गरिएको हो । फोहोर संकलन गर्ने ५ वटा ड्रम, एउटा खाडल खनिएको जिल्ला यूवा समिति प्यूठानका अध्यक्ष रामचन्द्र के.सीले बताए । मल्लरानी क्षेत्रमा जम्मा भएका फोहोर संकलन गरेर जलाईएको आयोजकले जनाएको छ ।

साथै मल्लरानी डाडाँमा विभिन्न जातका फूलका विरुवा रोपिएको वास नेपाल जिल्ला शाखा प्यूठानका अध्यक्ष जुमानसिं के.सीले जानकारी दिए ।

यस बर्षको अन्तराष्ट्रिय यूवा दिवसको नारा ‘दिगो विकासको लक्ष्य प्राप्तिमा युवाको साथः  नवप्रवर्तन र उद्यमशीलतामा हरित सिप विकास’ भन्ने तय गरिएको छ ।