२०८० श्रावण २७‘सुमन’ बृहत साहित्य संगित महोत्सव विशेषाङ्क एवम परिचर्चा कार्यक्रम क्षेत्रविकास मा.वि पुण्यखोलामा सम्पन्न भएको । साहित्य परिषद प्यूठानको आयोजनामा भएको कार्यक्रम शनिबार क्षेत्रविकास मा.वि पुण्खोलामा भएको हो ।
सो कार्यक्रममा बोल्दै प्यूठान नगरपालिकाका नगर उपप्रमुख देवेन्द्र ब्रर्माले आफु साहित्य परिषदमा जीवनभर नै रहने प्रतिवद्धता जनाए । उपप्रमुख बर्माले साहियत्य परिषद प्यूठानको लागि नगरपालिकाबाट हुने सहयोगमा आफु प्रतिवद्ध रहेको आश्वासन समेत दिए ।
प्रज्ञा डा. गोपिन्द्र पौडेलले साहित्यकारमा पछिल्लो पीढिहरु आउन नसकेको भन्दै गुनासो गरे । डा. पौडेलले साहित्यमा आएपछि गुमाउनु पर्ने कुनै पनि चिज नभएको र गुमाउन पनि नपर्ने भएकाले साहित्यमा आउन नयाँ पीढिहरुलाई आग्रह गरेका छन् । साथै उनले साहित्य विशुद्ध एउटा ज्ञान प्राप्त गर्ने थलो भएको पनि उनले बताए ।
साहित्य परिषद प्यूठानका कार्यवाहक अध्यक्ष बिमला खनालको अध्यक्षतामा भएको कार्यक्रममा प्रमुख अतिथि प्रज्ञा डा. गोपिन्द्र पौडेल विशिष्ट अतिथि प्यूठान नगरपालिका उपप्रमुख देवेन्द्र बर्मा, गेहराज थापा, गेहराज पण्डित, कमल पोख्रेल, टोपराम आचार्य लगायत साहित्य परिषदका सदस्यहरु को सहभागिता रहको प्रगतिशिल लेखक संघ प्यूठानका अध्यक्ष लीला पुन ले जानकारी दिए ।
कार्यक्रमको सञ्चालन साहित्य परिषद प्यूठानका सचिव ध्रुव गिरिले गरेका थिए ।
