२०८० भदौ ४देशभरि आँखा पाक्ने रोग (कन्जेन्टिभाइटिस) को संक्रमण बढेसंगै प्युठान जिल्लामा साउन महिनामा मात्रै १ हजार ३ सय ६२ जना कन्जेन्टिभाइटिस का बिरामीले आँखा जाँच गराएका छन् ।
प्रस्तावित नरेन्द्र गायत्री आँखा अस्पताल बिजुवारमा मात्र साउन १५ गते देखि मसान्तसम्म १ हजार १५ जना कन्जेन्टिभाइटिसका बिरामीको आँखा जाँच गरिएको अस्पतालका प्रमुख लक्ष्मी मल्ल ठकुरीले बताइन ।
प्रस्तावित नरेन्द्र गायत्री आँखा अस्पताल बिजुवारको भिंगृ र ठुलाबेसीमा रहेका दुई वटा शाखामा आएका बिरामीहरु समेत गरी १ हजार ३ सय ६२ जना कन्जेन्टिभाइटिसका बिरामीको आँखा जाँच गरिएको हो । आँखा उपचार केन्द्र भिंगृमा साउन महिनामा आँखा जाँच गराएका ५ सय ८३ जना मध्ये ३ सय २१ जनामा कन्जेन्टिभाइटिसको समस्या देखिएको शाखा प्रमुख चन्दना गुरुङले बताइन ।
त्यस्तै संक्रमण बढेसंगै नरेन्द्र गायत्री आँखा अस्पताल ठुलाबेसी शाखामा साउन महिनामा मात्रै ८४ जना आँँखाका बिरामीले आँखा जाँच गरेका थिए । आँखा जाँच गराएका मध्ये २६ जनामा कन्जेन्टिभाइटिसको समस्या देखिएको शाखा प्रमुख महम्मद कमर धुनियाले जानकारी दिए ।
नरेन्द्र गायत्री आँखा अस्पताल बिजुवारका प्रमुख ठकुरीका अनुसार पछिल्लो समय आँखा पाक्ने रोगका बिरामी बिस्तारै घट्दै गएका छन् । एकपटक आँखा जाँच गराउन आएका बिरामी दोहोरिएर आउनु भएको छैन, त्यहि प्रकारको नयाँ बिरामी आउने गर्नुहुन्छ , उनले भनिन, ‘हामीले दिएको औषधीले सन्चो भएको छ ।’
ठकुरीले आँखाको सरसफाईमा ध्यान दिई सजकता अपानाउन आग्रह गरेकी छिन् ।
