News Portal

रेडियो सुन्नुहोस्

उत्पादन तथा बजारीकरण सम्बन्धि अन्तरक्रिया कार्यक्रम जुम्रिमा

बोम बहादुर परियार२०८० भदौ १२
२५१ पटक
२०८० भदौ १२

कृषिजन्य बस्तुको उत्पादन तथा बजारीकरण सम्बन्धि अन्तरक्रिया कार्यक्रम जुम्रिमा भएको छ । मंगलबार नागबेली बहुद्देश्य कृषि सहकारी सस्थाको आयोजनामा एक अन्र्तक्रिया कार्यक्रम भएको हो ।

कार्यक्रममा नागबेली बहुद्देश्य कृषि सहकारी सस्थाका अध्यक्ष बिष्णु पाण्डेले कृषि बजारलाई अगाडी सार्दै हरेक हप्ताको शुक्रबार हाटबजारलाई निरन्तरता दिने बताए । उत्पादनको मापन गर्दै हाटबजारको माध्यमबाट स्थानीय स्तरमा उत्पादन भएको बस्तुको बजार सुनिश्चितता सँगै उत्पादनमा बृद्धि गर्दै लैजाने र निकट भविष्यमै संकलन केन्द्रलाई थोक बजारमा रुपान्तरण गर्ने लक्ष्य लिएको बताए । २०७४ सालमा स्थापना भएको यो संस्थामा ७ सय भन्दा बढि सदस्यहरु रहेका छन् । हरेक हप्ताको शुक्रबार हाटबजार संचालन गर्ने गरि यहि भदौ १५ गते कृषि र सहकारी बिषयक तिज गित तथा नृत्य प्रतियोगिता आयोजना गरिएको समेत अध्यक्ष पाण्डेको भनाई छ ।

 

प्रधानमन्त्री कृषि आधुनिकिकरण परियोजना प्यूठानका प्रमुख चुमानसिह गिरिले किसानलाई कृषिमा टिकाउने भन्ने बिषय मुख्य चुनौती भएको बताए । कृषिमा केही गरौ भनेर थालनी गरिएको अभियानमा कार्यालयको तर्फबाट महत्वपूर्ण सहयोग हुने भन्दै मेहनत गर्ने कृषकलाई थप हौसला प्रदान गर्न आग्रह गरेका थिए । मेहनत गर्ने किसानको हकमा उत्पादन गरेका बस्तुहरुलाई बजारको व्यवस्थापन गर्ने समेत कार्यालय प्रमुख गिरिको भनाई थियो ।

कार्यक्रमका प्रमुख अतिथि प्यूठान नगरपलिकाका मेयर बिष्णु बहादुर योगिले गत बर्ष प्यूठान नगरपालिकामा कृषकहरुका लागि ५२ लाख रुपैया अनुदान छुट्याए पनि सो रकम अनुदानमा खर्च गर्न नपाएको बताए । प्यूठान जिल्लाका सबै उत्पादनलाई एकिकृत बनाएर नागबेलीले आफ्नो कार्यक्रम अगाडी बढाउन सके कार्यक्रम प्रभावकारी बन्न बताए । हाम्रो उत्पादनलाई आफै उपभोग गरौ भन्ने कुरालाई प्राथमिकता दियौ भने किसान प्रोत्साहित हुने र अबको अनुदान प्रतिफलमा आधारित हुने मेयर योगिको भनाई छ ।

प्यूठान उद्योग बाणिज्य महासंघका महासचिव सन्देश आचार्यले नेपालले अन्तराष्ट्रिय बजार सँग लड्न सक्ने भनेकै कृषि उत्पादनमा रहेको बताए । स्थानीय, प्रदेश र केन्द्र गरि तीन तहको अनुदान बास्तविक किसानलाई दिनुपर्ने भन्दै बजारको ग्यारेन्टि स्थानीय सरकारले गर्नुपर्नेमा महासचिव आचार्यले जोड दिए ।

जिल्ला सहकारी संघ प्यूठानको समन्वय तथा प्यूठान नगरपालिकाको सहयोगमा भएको कार्यक्रमको संचालन संस्थाका सहसचिव नारायण के.सीले गरेका थिए ।

प्रतिकृया दिनुहोस्

माण्डवीमा घरमा हुँदैनन् सुत्केरी

माण्डवी गाउँपालिकामा अहिले गाउँघरमा सुत्केरी हुन छाडेका छन् । गाउँपालिकाले दिएको तथ्यांक अनुसार चालु आर्थिक...

नौबहिनीले गर्‍यो विषयगत समितिका प्रमुखहरुसँग छलफल

नौबहिनी गाउँपालिकामा विषयगत समितिको बैठक सकिएको छ । आज सोमबार बसेको विभिन्न शाखाका शाखा प्रमुखहरुको...

लामो खडेरीले मकैबाली सुक्न थाले, किसान चिन्तित

लामोसमय सम्म पानी नपरेर मकैबाली धमाधम सुक्न थालेपछि जिल्लाभरका किसान प्रभावित भएका छन् । मुख्यबालीको...

प्यूठान नगरपालिका ३ मा भएको पशु स्वास्थ्य शिविरबाट ८४ जनाले सेवा लिए

प्यूठान नगरपालिका ३ मा पशु स्वास्थ्य शिविर सम्पन्न भएको छ । आइतबार प्यूठान नगरपाकिलाको पशु...

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...