News Portal

रेडियो सुन्नुहोस्

हाटबजारले ल्याएको किसानको खुसी

बिबश जि.एम२०८० भदौ २२
४९८ पटक
२०८० भदौ २२

चर्को बजार मुल्य र बिषादीयुक्त तरकारी खाँदा दिक्क बनेका नागरिकहरु करेसाबारीबाट टिपेको तरकारी भान्छामा ताजै खान पाउँदा खुसी देखिन्छन् । यता नागबेली बहुउद्देश्यीय कृषि सहकारी संस्थाले स्थानीय स्तरमा उत्पादित तरकारीको हाटबजार सुरु गरेपछि किसानहरुमा झनै खुसि छाएको छ । किसानहरुको उत्पादित बस्तुले बजार र बजारभाउ पाएर खुसी भएको बताउँछन । नागबेली बहुउद्देश्यीय कृषि सहकारी संस्थाले प्यूठानको जुम्रीमा यहि भदौ १५ गतेदेखि औपचारिक रुपमा हाटबजार सुरु गरेको छ । अब देखि प्रत्येक हप्ताको शुक्रबार हाटबजार लाग्नेछ । हाटबजारमा किसान आफैले उत्पादन गरेका तरकारीहरु बिक्रीका लागि निःशुल्क रुपमा सटर समेत पाएका छन् । हाटबजारमा किसानले विभिन्न ठाउँबाट विभिन्न किसिमका तरकारीहरु लिएर बिक्रिका लागि आएका छन् ।

प्यूठान नगरपालिका ५ जुम्रीकाडा सिर्वाङकी दधा कुमारी भुषालले आफ्नै बारीमा उब्जाएका तरकारीहरु हाटबजारमा लिन सुरु गरेकी छिन् । उनले मर्चेकेरा, सिमेसाग, भाजीसाग, फर्सी लगायतका थुप्रै तरकारी लिएर हाट बजारमा आएकी थिईन। सहकारीले हाटबजारको व्यवस्था गरेपछि अहिले तरकारीले बजार भाउ पाएको भुषाल बताउँछिन् । भुषालले भनिन् “पहिले बजारमा डुलाउँदा पनि राम्रो भाउ पाउने थिएन, अहिले मेहनत अनुसारको बजार भाउ पाउँदा खुसी छु ।”

 

त्यस्तै प्यूठान नगरपालिका ८ खप्रेङखोलाकी रेखा बसेल पनि हाटबजारमा आफैले उत्पादन गरेको तरकारी बेच्दै गरेको अवस्थामा भेटिईन । उनले घिरौला,भिन्डी, धनियाँ लगायतका तरकारी लिएर आएकी थिईन । उनले विगत ९ बर्षदेखि ७ रोपनी भन्दा बढि जग्गामा तरकारी खेती गर्दै आएको बताईन् । फरक प्रसंगमा बसेलले भनिन् “हाटबजार लाग्यो खुसी छौ, तर आफुले उत्पादन गरेअनुसारको तरकारीलाई व्यवस्थित गर्न तरकारी संकलन केन्द्र भए अझ राम्रो हुन्थ्यो, त्यो नहुँदा भने आफुलाई दुख लागेको छ ।”संकलन केन्द्र भएको भए आफुहरु दिनभरि हाटबजारमा तरकारी कुरेर बस्नु नपर्ने भन्दै उनले समयको बचत हुने र थप काम गर्न सकिने बताए ।

त्यस्तै अर्का कृषक प्यूठान नगरपालिका ६ ढुङ्गेठाटीका कर्ण बहादुर पुन मगर पनि आफुले गाउँमा फलाएका तरकारीहरु लिएर अहिले हाटबजारमा नै आउन सुरु गरेका छन् । मगरले लौका, करेली, चिचिन्डो सँगै अन्य तरकारी लिने गर्छन् । मगर भन्छन् “पहिले तरकारी पसलका साहुलाई थोकमा दिन्थे, साहुले केही सस्तोमा लैजाने गर्थे, तर अहिले भने आफ्नै हातले सबैको सामु बेच्न पाउँदा खुुसी लागेको छ ।” उनले उत्पादित तरकारी कहाँ लगेर बिक्रि गर्ने भन्ने चिन्ता हाटबजार लागेपछि हटेको बताए ।

हाटबजारमा तरकारी किन्न पुगेकी स्थानीय सुमित्रा पौडेलले बजारमा भन्दा यहाँ ताजा र सस्तो मुल्यमा तरकारी पाएपछि आफु तरकारी किन्न यहि आउन थालेको बताईन । बजारमा धेरै दिनदेखि राखेको बासी र सडेको तरकारी भन्दा ताजा र बजार भाउ पनि सस्तो भएकाले हाटबजार सञ्चालन भएकोमा खुसी भएको सुनाईन ।

कृषकको उत्पादन र कृषकसँग नागबेली सहकारीसँगै जोडिएका कारण हाटबजारको सुरुवात गरिएको नागबेली बहुउद्देश्यीय कृषि सहकारी संस्थाका अध्यक्ष बिष्णु पाण्डेले बताए । बाह्य तरकारीले जिल्लाका स्थानीय तरकारी खेती गर्ने किसानहरुलाई प्रत्यक्ष रुपमा असर पारेको भन्दै स्थानीय उत्पादनलाई प्राथमिकता दिनका लागि हाटबजारको सुरुवात गरेको पाण्डेको भनाई छ । स्थानीय उत्पादन र बजार मागको आधारमा मापन गरेर हाटबजारलाई थप व्यवस्थित बनाउने र पछि यसलाई थोक बजारको रुपमा पनि विकास गर्ने योजनामा रहेको उनले बताए ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

बेलुवामा बेलपत्रेश्वर धार्मिक महायज्ञ सुरु

प्युठान नगरपालिका १ क्वाडी बेलुवामा सोमबारदेखि बेलपत्रेश्वर विराट धार्मिक महायज्ञ, शिव महापुराण तथा श्रृङ्गारिक गंगा...

जन्मदिनमा युरोपबाट १० लाखको बिमा उपहार

प्यूठानमा श्रीमानले श्रीमतीलाई बिमा पोलिसि उपहार दिएका छन्। स्वर्गद्वारी नगरपालिका ८ दहचौरका पदम बहादुर जि.सी....

नालापानी किल्लामा लडे,प्यूठान रम्दीका दयाराम खड्का

प्यूठानको माण्डबी गाउँपालिका ५ रम्दीकोट जन्मथलो भएका पुँवार खड्काहरुले नेपाली सेनामा पु¥याएको योगदानको राज्यले मूल्यांकन...

जिप दुर्घटनामा २ जनाको मृत्यु

सिंगल क्याप जिप दुर्घटना हुँदा २ जनाको मृत्यु भएको छ लु २ च २९९० नम्बरको...

कृतिम बुद्घिमता(एआई) सम्बन्धि तालिम सम्पन्न

कृतिम बुद्घिमता(एआई) को प्रयोगसम्बन्धि तालिम प्यूठानमा सम्पन्न भएको छ। जिल्लाका ५ क्याम्पस र ५ माविमा...