विजय फूलबारी बचत तथा ऋृण सहकारी संस्था लि. प्यूठानले सहकारी शिक्षा तथा तीज विशेष दरखाने कार्यक्रम गरेको छ । संस्थाले शनिबार प्यूठान नगरपालिका ३ मुक्ति मा.वि रातामाटामा सदस्यहरुलाई दरखाने कार्यक्रम गरेको हो ।

कार्यक्रममा सहकारीका सल्लाहकार गुमानराज पुलामिले सहकारीमा आवद्ध सबै सदस्यहरुले सहकारीको नीति, बिधि र पद्धति बुझ्न आवश्यक रहेको बताए । हालको अवस्थामा नीति, बिधि र पद्धति नबुझ्दा धेरै सहकारी संस्थाहरु अगाडी बढ्न नसकेको उनको भनाई थियो । केही गर्छु भन्ने सोच लिएर अगाडी बढ्न चाहाने व्यक्तीलाई विजय फूलबारी बचत तथा ऋण सहकारी संस्थाले व्यवसाय गर्न चाहाने र आयआर्जन गर्न चाहानेलाई विश्वासका साथ ऋृण उपलब्ध गराउने बताए ।

२०५५ सालमा स्थापना भएको फूलबारी बचत तथा ऋण सहकारी संस्था विजय लक्ष्मी महिला बहुउद्देश्यीय संस्थासँग २०७८ सालमा एकिकरण भएको थियो । सहकारीमा हाल पाँच हजार तीन सय सदस्य रहेका छन् । जिल्लाको नौबहिनी गाउँपालिका र गौमुखी गाउँपालिका बाहेक बाँकी सात स्थानीय तहमा सहकारीको कार्यक्षेत्र विस्तार भइसकेको छ भने खलंगा, बिजुवार, खैरा र जस्पुरबाट संस्थाले सेवा दिदै आएको समेत संस्थाले बताएको छ ।

विजय फूलबारी बचत तथा ऋृण सहकारी संस्था लि.प्यूठानका अध्यक्ष नेत्रमणि आचार्यको अध्यक्षतामा सुरु भएको कार्यक्रममा जेष्ठ महिला सदस्य कमला आचार्य, जेष्ठ सदस्य तथा संस्थाका पूर्व संचालक नितेन्द्र आचार्य, विभिन्न संस्थाका प्रतिनिधि लगायतको सहभागिता रहेको थियो । संस्थाका व्यवस्थापक प्रकाश बैधले संचालन गरेको कार्यक्रममा संस्थाकि उपाध्यक्ष राधा पुलामीले स्वागत मन्तव्य राखेकी थिइन् ।