प्युठानको जुम्रीमा योग प्रणायाम कक्षा सञ्चालनमा आएको छ । नागबेली बहुउद्देश्यीय कृषि सहकारी संस्थाले आफ्नै प्रांगणमा यही भदौ १६ गतेदेखि योग अभ्यास सञ्चालनमा लिएको हो ।

स्वास्थ्यका हिसावले प्रत्येक दिन बिहान योग ध्यान र प्रणायाम गर्दा मानिसहरुलाई फाइदा हुने भन्दै योग कक्षा सञ्चालनमा लिएको संस्थाका अध्यक्ष बिष्णु पाण्डेले जानकारी दिए ।

पछिल्लो समय मानिसहरु बिषादीयुक्त खानपानका कारण र योग प्रणायाम नगर्नाले विभिन्न रोगको संक्रमण हुन सक्ने भन्दै योग आवश्यक रहेको योग प्रशिक्षक डाक्टर ओमहरि भट्टराइले बताए। योग ध्यान र प्रणायाम गर्नु शारीरिक रुपमा महत्वपुर्ण रहेको प्रशिक्षक भट्टराईको भनाई छ । प्रत्येक दिन बिहान ४ बजे देखि ६ बजे सम्म योग कक्षा सञ्चालन हुने योग प्रणायाममा स्थानीयहरु उत्साहितका साथ उपस्थित हुने गरेका छन् ।