२०८० भदौ २९लायन्स क्लब अफ प्यूठान भित्रिकोटले एक कार्यक्रमको आयोजना गरी जन्मदिनको अवसरमा विभिन्न सामग्री हस्तान्तरण गरेको छ ।
जन्मदिनको अवसरमा शुक्रबार नरेन्द्र गायत्री आँखा अस्पताल बिजुवार प्यूठानलाई सागर पण्डितले वाटर डिस्पेन्सर र कालिका मन्दिर बिजुवारलाई मधुर शर्माले र्याक प्रदान गरेका हुन् ।
आँखा अस्पतालमा वाटर डिस्पेन्सरको आवश्यकता महसुस गरी बिरामीहरुको हितको लागि वाटर डिस्पेन्सर प्रदान गरिएको पण्डितले बताएका छन् । त्यस्तै कालिका मन्दिरमा पुँजापाठ गर्न जाने भक्तजनहरुलाई जुत्ताचप्पल राख्नका लागि र्याक प्रदान गरिएको छ ।
कार्यक्रममा बोल्दै लायन्स क्लब अफ प्यूठानका अध्यक्ष झबिन्द्र शर्माले समाजमा सकारात्मक सन्देश प्रवाह गर्नको लागि विगत देखि नै लायन्स क्लबले सामाजिक काममा सहयोग गर्दै आएको बताए ।
कालिका मन्दिर व्यवस्थापन समितिका अध्यक्ष केशब कर्माचार्य र नरेन्द्र गायत्री आँखा अस्पताल बिजुरवाका व्यवस्थापन समितिका अध्यक्ष लक्ष्मी प्रकाश राजभण्डारीले सामान ग्रहण गर्दै लायन्स क्लब अफ प्यूठानलाई धन्यवाद दिएका छन् ।
लायन्स क्लब अफ प्यूठान भित्रिकोटका कार्यवाहक अध्यक्ष महेश कुमार कक्षपतिको अध्यक्षतामा कार्यक्रम सम्पन्न भएको हो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
