मौसम प्रतिकुलताका कारण पुर्व प्रधानमन्त्री केपी शर्मा ओली प्यूठान आउने कार्यक्रम स्थगित गरिएको छ । ओली नौवहिनी गाँउपालिका प्यूठानको प्रशासकिय भबन उद्घाटन गर्न मंगलबार प्यूठान आउने कार्यक्रम तय भएको थियो । गाँउपालिकाले मौसम प्रतिकुलताका कारण प्रमुख अतिथी प्यूठान आउन नसक्ने भएकाले भवन उद्घाटन कार्यक्रम अर्काे सूचना नआउञ्जेलसम्म स्थगित गरिएको गाउँपालिकाका अध्यक्ष दिल बहादुर थापाले जानकारी दिएका छन् ।

साथै नेकपा (एमाले) का अध्यक्ष समेत रहेका पूर्व प्रधानमन्त्री ओलीले मंगलबार नै प्यूठानबासीहरुसँग प्रत्यक्ष साक्षात्कार कार्यक्रम गर्ने र धार्मिक तिर्थस्थल स्वर्गद्धारी भ्रमण गर्ने कार्यक्रम समेत स्थगित भएको नेकपा एमाले प्यूठानले जनाएको छ ।