२०८० असोज १५पुर्नउत्पादनमुखी कृषि तथा सुरक्षित खाद्य उत्पादन सम्बन्धि अभिमुखिकरण तालिम बरौलामा भएको छ । सोमबार ऐरावती गाउँपालिका २ बरौलामा ऐरावती गाउँपालिका भित्र रहेका स्वाबलम्बन समुहका सदस्यहरुलाई १ दिने तालिम सञ्चालन गरिएको हो ।
कालिका विकास केन्द्र नेपाल प्यूठानको आयोजना तथा ऐरावती गाउँपालिकाको समन्वय र स्ट्रोम फाउण्डेसनको सहयोगमा कार्यक्रम भएको थियो ।
पुर्नउत्पादनमुखी र सुरक्षित खाद्य उत्पादन प्रणाली बारे जानकारी गराउनुको साथै प्रयोगात्मक विधिबाट कम्पोष्ट मल बनाउने सीपमाथी जानकारी गराउने मुख्य उद्देश्य सहित तालिमको आयोजना गरिएको कार्यक्रम संयोजक सरोज श्रेष्ठले जानकारी दिए । उनका अनुसार तालिममा २६ जना सहभागित रहेका थिए ।
तालिमको सहजिकरण वीर बहादुर तामाङले गरेका थिए । कालिका विकास केन्द्र नेपाल प्यूठानका कार्यसमिति सदस्य नरेन्द्र भण्डारीको अध्यक्षतामा भएको तालिममा अतिथि कालिका बिकास केन्द्र नेपाल प्यूठानका कार्यकारी निर्देशक राजेन्द्र प्रसाद राजभण्डारी, जिबीकोपार्जन अधिकृत, समुदाय परिचालक लगायत अन्य कर्मचारीहरुको समेत सहभागिता रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
