लुम्बिनी प्रदेश सरकारले तत्काल उद्धार, राहत र पुर्नस्थापनाको लागि कर्णाली प्रदेश सरकारलाई १ करोड ५० लाख रुपैया आर्थिक सहयोग गर्ने भएको छ । शनिबार राप्ती प्रादेशिक अस्पताल,दाङमा बसेको प्रदेश सरकार, मन्त्रिपरिषदको आकष्मिक बैठकले यस्तो निर्णय गरेको हो ।

शनिबार एक विज्ञप्ती निकाल्दै शुक्रबार राती ११ बजेर ४७ मिनेटमा जाजरकोटको रामीडाँडा केन्द्रबिन्दु बनाएर गएको भूकम्पका कारण क्षतिग्रस्त भएका क्षेत्रलाई समेटेर सहयोग गर्ने घोषणा गरेको छ । साथै भूकम्का कारण घाइते भएकाहरुको सिघ्र स्वास्थ्य लाभको कामना गर्दै मृतकहरु प्रति श्रद्धाञ्जली र मृतकका परिवारमा समवेदना समेत व्यक्त गरेको छ ।