गाउँको कमला सुन्तला सधैजसो यो सिजनमा मित्रमणी चोक बिजुवारमा विक्रिको लागि देख्न पाईन्छ । बर्षको एकपटक आउने सुन्तला कमलाको सिजनमा मित्रमणी चोकमा प्रायः बिक्री गर्ने र किन्नेको घुइँचो देखिन्छ । गाउँका स्थानीयले फलाएका ताजा कमला, सुन्तला ताजा अवस्थामै विक्री हुने गर्दछ ।

त्यही सुन्तला लिएर आउछिन् झिमरुक गाउँपालिका ५ चुधाराकी ५० बर्षीय मञ्जु पोख्रेल । उनले यो सिजनमा दैनिक जसो ३ देखि ४ हजार सम्मको सुन्ताल विक्री गर्छिन्। गाउँपालिकाले ५० प्रतिशत अनुदान दिएपछि उनले अहिले साना ठूला गरि सुन्तलाको बेर्ना २ सय वटा लगाएको बताईन् । एक सिजनमा उनले झण्डै २ लाख बराबरको सुन्तला बेच्ने बताउँछन् ।

उनी मात्र होईनन् हिउँदको समयमा सोही ठाउँका ३३ बर्षिय ऋषिकेश पोख्रेल पनि दैनिक जसो सुन्तला लिदै आएको १ हप्ता भएको बताउँछन् । उनले पनि ३ रोपनीको बारीमा २ सय सुन्तलाका बेर्ना लगाएका छन् । उनलाई पनि गाउँपालिकाले ५० प्रतिशत अनुदानमा सुन्तलाको बेर्ना दिएको थियो । अरु काम सँगै उनको परिवारले सुन्तला खेतीलाई पनि प्राथमिकता दिएकाछन् । अन्य खेती भन्दा बरु सुन्तला खेती राम्रो हुने गर्छ,’ उनले भने,‘त्यति मलजल गर्नु पर्दैन् तर बेर्ना जोगाउन भने केही दुखकष्ट गर्नै पर्छ ।’

सुन्ताला कमला पाक्ने सिजन सुरु भएपछि प्यूठान नगरपालिका ४ बिजुवार स्थित मित्रमणी चोकमा प्यूठानका मात्र नभएर गुल्मी, अघाखाँचीका समेत किसान सुन्तला बिक्री गर्न आउने गर्दछन् ।