देउराली बचत तथा ऋण समुहले ट्यांकी निर्माण गर्न लागेको छ । प्यूठान नगरपालिका ३ ओखरबोटको देउराली बचत तथा ऋण समुहले यो बर्ष देउसी भैलो खेली उठेको रकमले ढुङ्गेपानी मुहानमा ट्यांकी निर्माण गर्न लागेको हो ।

समुहले खेलेको देउसी भैलोबाट उठेको रकम मध्ये १० हजार ट्याङंकीको लागि छुट्याएको समुहका सचिव बिष्णु गोतामेले जानकारी दिए । उनका अनुसार ट्याङंकी निर्माणमा रकम अपुग भएपछि समुहका सदस्यले श्रमदान सुरु गरेका छन् । समुहले यो बर्ष देउसी खेली ७० हजार ५ सय रकम जम्मा गरेको थियो । हाल कोषमा साढे ५ लाख भन्दा बढि रकम रहेको सचिव बिष्णु गोतामेले जानकारी दिए ।