निर्माण व्यवसायी संघ प्यूठानले विगत ३ बर्षदेखि सम्पन्न गरेका विभिन्न योजनाहरुको कामको भूक्तानी नपाएको भन्दै प्रेस विज्ञप्ती निकालेको छ । खानेपानी तथा सरसफाई डिभिजन कार्यालय बिजुवार प्यूठानद्धारा प्यूठान जिल्लाभर विभिन्न योजनाहरुमा ठेक्का लगाई सम्पन्न भएका योजनाहरुको रकम भुक्तानी गरिदिनको लागि प्रक्रिया अघि बढाउदा समेत कुनै चासो नदिएको भन्दै निर्माण व्यवसायी संघ प्यूठानले सोमबार प्रेस विज्ञप्ती निकालेको हो ।

भूक्तानी दिने कुरामा खानेपानी तथा सरसफाई डिभिजन कार्यालय प्यूठानले आलटाल गरी व्यवसायीलाई यो वा त्यो भनि विभिन्न बहानामा दुःख दिने भएकाले हाम्रो निर्माण व्यवसायी संघ प्यूठानको गम्भिर ध्यानाकर्षण छ, विज्ञप्तीमा भनिएको छ ।’ साथै ७ दिनभित्र भूक्तानी नदिए निर्माण व्यवसायी संघ थप कडा भन्दा कडा आन्दोलनको कार्यक्रमहरु घोषणा गर्न बाध्य हुने पनि निर्माण व्यवसायी संघ प्यूठानका अध्यक्ष नविन कुमार श्रेष्ठद्धारा हस्ताक्षरित विज्ञप्तीमा उल्लेख गरिएको छ ।