प्यूठानमा नयाँ प्रमुख जिल्ला अधिकारीको रुपमा नारायण प्रसाद अर्याल आएका छन् । नयाँ प्रमुख जिल्ला अधिकारीको रुपमा आएका अर्याललाई शुक्रबार आज एक कार्यक्रमका विच प्यूठान उद्योग बाणिज्य संघले स्वागत गरेको हो ।

कार्यक्रममा जिल्लामा अनाधिकृत रुपमा व्यापार गर्ने, झोले कुम्लेहरुलाई करको दायरामा ल्याउने र कानुन अनुसारको कार्वाहीमा ल्याउने छलफल भएको कार्यवाहक अध्यक्ष प्रमोद पोख्रेलले जानकारी दिए । कार्यवाहक अध्यक्ष पोख्रेलका अनुसार जिल्लामा ठेक्का लागेका कामलाई समयमा सम्पन्न गराउनको लागि प्रजिअ अर्याललाई जानकारी गराईएको छ । साथै नेपाल विद्युत प्राधिकरणले विगत लामो समयदेखि प्यूठान नगरपालिका–८ दम्तीमा सबस्टेशन निर्माण कार्य सम्पन्न नहुनु, क्वाडीको पक्की पुलको अस्तव्यस्त हुनु लगायतका कुरामा समेत प्रजिअ अर्याललाई ध्यानाकर्षण गराईएको छ । प्यूठान उद्योग बाणिज्य संघका पूर्वअध्यक्ष इमानसिह भारतीले जिल्लाको सबै क्षेत्रहरुको बारेमा जानकारी गराएका थिए ।

स्वागत तथा परिचयात्म कार्यक्रममा प्रमुख जिल्ला अधिकारी अर्यालले जिल्लाको निजि क्षेत्र र प्रशासन मिलेर अगाडी बढ्ने बताएका छन् । प्यूठान उद्योग बाणिज्य संघका कार्यवाहक अध्यक्ष प्रमोद पोख्रेलको अध्यक्षतामा सञ्चालन भएको कार्यक्रमको सञ्चालन महासचिव सन्देश आचार्यले गरेका थिए ।

फोटो : प्यार अलि खान