मल्लरानी गाउँपालिकाले आयोजना गरेको चौथो राष्ट्रपति रनिङशिल्ड प्रतियोगिता सम्पन्न भएको छ । विभिन्न ३२ विधामा गत पुष ५ गतेदेखि सञ्चालन गरेको खेल प्रतियोगिता आज आइतबार सम्पन्न भएको गाउँपालिकाले जनाएको छ । ८ स्वर्ण, ९ कास्य ४ रजत पदक प्राप्त गर्दै महेन्द्र माध्यमिक विद्यालय पहिलो, ६ स्वर्ण, ७ कास्य, ९ रजत पदक सहित भानुभक्त माध्यमिक विद्यालय दोस्रो र ६ स्वर्ण, २ कास्य, १ रजत पदक लिएर मल्लरानी बोर्डिङ तेस्रो भएको छ ।

पालिका भित्रका १३ विद्यालयहरुले कार्यक्रममा सहभागिता जनाएको मल्लरानी गाउँपालिकाले जनाएको छ । जिल्ला सदरमुका खलंगाको टुडिखेल मैदानमा ३ दिन सम्म चल्ने भनिएको रनिङशिल्ड १ दिन थप गरि ४ दिनसम्म सञ्चालन भएको मल्लरानी ४ का वडाध्यक्ष तथा खेल संयोजक कुमार श्रेष्ठले बताए। खेलप्रति यूवा विद्यार्थीहरुको उत्साहपूर्ण सहभागिता भएको मल्लरानी गाउँपालिका ३ का वडाध्यक्ष नोमराज पौडेलले बताए। ।