२०८० पुष ११प्युठानको बाग्दुलाबाट भालुबाङ तर्फ जाँदै गरेको हाईस दुर्घटना भएको छ । सरुमारानी गाउँपालिका ४ ठूलो घुम्तीमा लु २ ख ३०९३ नम्बरको हाईस दुर्घटना हुँदा १५ यात्रु घाईते भएको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिए । उनका अनुसार घाईतेहरुको उद्धार गरी एम्बुलेन्स मार्फत नेपालगञ्ज, बुटवल लगायतका अन्य जिल्लाका अस्पतालमा रिफर गरिएको छ । प्युठानको बाग्दुलाबाट भालुबाङ तर्फ जाँदै गरेको हाईस दुर्घटनामा घाइते सबैको नाम खुलेको छ ।
शिवराज न.पा. १ कपिलवस्तुका ३५ बर्षीय बल ब., ३४ बर्षकी संगिता, ३५ वर्षकी युनिका, ५८ बर्षीय अने, २६ बर्षीय दुर्गा ब. १४ बर्षीय निम ब., १६ बर्षीय हुकुम ब., २० बर्षकी सावित्रा सुनार रहेको जिल्ला प्रहरी कार्यालय प्यूठानले जानकारी दिएको छ ।
त्यस्तै दाङ्को राप्ती गा.पा.२ लालमटिया बस्ने ३५ बर्षकी जानकी आचार्य, घोराही उ.म.न.पा.४ बस्ने ८० बर्षीय भुबीराम उपाध्याय, कपिलवस्तु बाणगंगा न.पा.८ का ७० बर्षीय झक्कु प्रसाद उपाध्याय, कपिलवस्तु न.पा.९ का ६७ बर्षीय यमलाल जोशी, कपिलवस्तु कै ५८ बर्षीय निम प्रसाद खनाल, रुपन्देहीको गैँडा गा.पा.२ का ४६ बर्षकी विष्णु माया गिरी र प्युठान न.पा. ९ मरन्ठानका १९ बर्षकी सृष्टी आले रहेका छन् ।
त्यस मध्ये ४ जनालाई बुटवल र ४ जनालाई नेपालगञ्ज रिफर गरिएको प्रहरीले जनाएको छ । बुधबार दिउँसो १ः५० मा हाईस सडक देखि ५० मिटर तल खसेको छ ।
