२०८० पुस १२ झिमरुक गाउँपालिकामा आँखा रोग भएकाहरुका लागि आँखा जाँच शिविर सञ्चालन हुने भएको छ । नरेन्द्र गायत्री आँखा अस्पताल बिजुवार प्यूठानको आयोजना तथा झिमरुक गाउँपालिकाको समन्वयमा आँखा जाँच शिविर सञ्चालन हुन लागेको हो ।
गाउँपालिका भित्र स्थायी बसोबास गर्दै आएका ४० बर्ष भन्दा माथिका व्यक्तिहरुका लागि आँखा शिविर सञ्चालन गर्न लागेको नरेन्द्र गायत्री आँखा अस्पताल बिजुवारकी प्रमुख लक्ष्मी मल्ल ठकुरीले जानकारी दिईन् । उनका अनुसार एक दिने निःशुल्क शिविरमा आँखा जाँच हुनेछ । साथै आँखा जाँचमा कुनै व्यक्तिमा मोतिविन्दु भेटिए पुस १९ गते बिजुवारमा रहेको आँखा अस्पतालमा आँखाको सल्यक्रिया गरिने जनाईएको छ ।
आँखा जाँच शिविर झिमरुक गाउँपालिका मच्छि बजारमा रहेको बालशिक्षा माध्यमिक विद्यालयको भवनमा हुने भएको छ । पुस १६ गते बिहान ९ देखि दिउँसो ३ बजेसम्म आँखा शिविर हुने पालिकाले जनाएको छ ।
